Suzanne LaFlesche Picotte, nada na reserva india Omaha o 17 de xuño de 1865 e finada en Walthill, Nebrasca o 18 de setembro de 1915, foi unha doutora omaha. É coñecida por ser a primeira muller nativo americana en ser físico.[1] Estaba a prol da saúde pública e pola cesión formal e legal de terras ós membros da súa tribo.
Traxectoria
Foi a máis nova de catro irmáns, a súa nai Waoo-Winchatcha (Mary Gale) era medio francesa e medio omaha e o seu pai Joseph LaFlesche, Iron Eye /Ollo de Ferro, tamén medio omaha, é considerado o último xefe omaha.[2]
Estudou na escola da reserva e despois foi estudar ao Instituto Hampton, en Hampton (Virxinia) e logo no Colexo Médico da Muller de Pensilvania. Licenciouse en marzo de 1889 e regresou á reserva para traballar como médica.
Picotte foi unha activa reformista social así como unha físico. Traballou para reducir o consumo de alcohol na reserva onde traballou. Picotte tamén combateu para erradicar a tuberculose como parte dunha campaña de saúde pública na reserva. Tamén axudou ós omaha a lidar coa burocracia da Oficina de Asuntos Indios.
Casou con Henry Picotte en xuño de 1894 e tiveron dous fillos. Un hospital de Walthill leva o seu nome, na súa honra: Dr LaFlesche Picotte Memorial Hospital.[3]
Notas
Véxase tamén
Bibliografía
