Atención: Este artigo ou sección semella conter investigacións orixinais. Mellóreo engadindo referencias que verifiquen as afirmacións contidas no artigo e engada referencias a pé de páxina. As afirmacións que constitúan unha fonte primaria non verificable deben eliminarse. Por favor, non quite esta mensaxe ata que o problema estea solucionado. (Desde decembro de 2017.)

Sofán
Capela de Santo Adrián da Piña.
Concello	Carballo[1]
Provincia	A Coruña
Coordenadas	43°12′00″N 8°37′05″O / 43.20000134, -8.6181884
Área	23 km²
Poboación	1.437 hab. (2019)
Densidade	62,48 hab./km²
Entidades de poboación	62[1]
[ editar datos en Wikidata ]

San Salvador de Sofán é unha parroquia que se localiza no leste do concello coruñés de Carballo na comarca de Bergantiños. Segundo o IGE en 2019 tiña 1.437 habitantes (718 homes e 719 mulleres), distribuídos en 61 entidades de poboación, o que supón unha diminución en relación ao ano 1999 cando tiña 1.860 habitantes.

O 16 de febreiro de 1919 catro labregas foron abatidos a tiros por axentes da Garda Civil, cando ian na comitiva fúnebre que pretendía soterrar un neno no cemiterio vello clausurado polas autoridades municipais. Son coñecidas como as Mártires de Sofán.

A igrexa parroquial de San Salvador de Sofán é de principios do século XVIII e reformada no XIX. Diante do templo atópase un cruceiro que data de 1660.

Na capela de Santo Adrián da Piña celébrase unha romaría tradicional.

En Sofán hai varias asociacións de eido cultural, social ou deportivo. A Sociedade Deportiva de Sofán é un club de fútbol, cun equipo de veteranos e outro sénior que xoga na Liga Preferente Norte. O Club de Caza e Tiro encárgase da xestión cinexética nos territorios de Sofán e Aldemunde. A Asociación de Mulleres Rurais naceu en 1991. En 1998 creouse a Asociación Democrática de Pensionistas. A asociación Motos Clásicas creouse en 2005, e en 2007 naceu a Sociedade Deportiva e Cultural A Piña, que conta con equipos de fútbol. Outras asociacións son a ANPA do colexio A Gándara e a Asociación de Veciños, encargada de organizar as festas e outras actividades.

• Parroquias de Artes, Sofán e Berdillo. Andando por Bergantiños. Instituto de Estudos Bergantiñáns. 2011. 

• Lugares de Carballo

• Sofán na web do concello de Carballo