Segundo Abal Padín

Biografía
Nacemento	1913 Meaño, España
Morte	13 de maio de 1938 (24/25 anos) Pontevedra, España
Causa da morte	pena de morte, ferida por arma de fogo
Actividade
Ocupación	mestre, político
Familia
Irmáns	Ángel Abal Padín

Segundo Abal Padín, nado en Padrenda (Meaño) en 1913 e finado en Pontevedra o 13 de maio de 1938, foi un mestre e político galego.

Foi mestre de Puerto de la Cruz en 1932. Mestre da escola de Castro de Agudín (Cea, Vilagarcía de Arousa) dende outubro de 1934. Afiliado á Federación de Trabajadores de la Enseñanza da UGT e a Agrupación Socialista de Vilagarcía de Arousa. Interveu en varios mitins na campaña da Fronte Popular,^[1][2] e na do Estatuto de Autonomía. Co golpe de Estado do 18 de xullo de 1936 foi detido o 1 de agosto. Foi suspendido de emprego e soldo a principios de setembro.^[3] Estivo preso na Normal de Pontevedra e no campo de concentración da illa de San Simón. Xulgado en consello de guerra en Pontevedra por rebelión militar o 9 de febreiro de 1938,^[4] foi condenado a pena de morte. Foi executado en Pontevedra, ás 17:30 do 13 de maio, no quilómetro 1 da Avenida de Uruguai. En abril de 1940 abríronlle expediente de responsabilidades políticas.^[5]

• Abuín Duro, Marcelino (2018). La primavera rota. Vilagarcía de Arousa, 1936-1941. Abegondo: Sociedad Bibliográfica de Galicia. ISBN 978-84-09-02453-7. 

• Salgado Varela, Fernando (26/1/2012) "Dentro de dos o tres horas moriré"
• A derradeira carta do mestre.