Atención: Este artigo ou sección semella conter investigacións orixinais. Mellóreo engadindo referencias que verifiquen as afirmacións contidas no artigo e engada referencias a pé de páxina. As afirmacións que constitúan unha fonte primaria non verificable deben eliminarse. Por favor, non quite esta mensaxe ata que o problema estea solucionado. (Desde decembro de 2018.)

San Xoán de Moeche
Igrexa de San Xoán de Moeche.
Concello	Moeche[1]
Provincia	A Coruña
Coordenadas	43°33′13″N 8°00′44″O / 43.5536, -8.0123
Poboación	353 hab. (2018)
Entidades de poboación	21[1]
[ editar datos en Wikidata ]

San Xoán de Moeche é unha parroquia que se localiza no oeste do concello de Moeche. Segundo o IGE en 2018 tiña 353 habitantes (190 mulleres e 163 homes) distribuídos en 21 entidades de poboación, o que supón un aumento en relación ao ano 1999 cando tiña 415 habitantes.

Na xurisdición eclesiástica forma parte do arciprestado de Xuvia, pertencente á diocese de Mondoñedo-Ferrol.

• Igrexa parroquial de San Xoán de Moeche, está datada do século XIX.
• Peto de ánimas na igrexa parroquial de San Xoán. Labrado en madeira, créese que é orixinal do século XVIII.
• Capela de San Ramón. É un pequeno templo de estilo barroco con planta rectangular dunha soa nave, presbiterio e sancristía, situado en San Ramón, parroquia de San Xoán de Moeche. No seu interior destacan os arcos de medio punto apoiados sobre pilastras, que soportan seu teito de madeira, e a imaxe de San Ramón, situada no oco central do retablo barroco do seu altar maior. Na entrada de dita capela encóntrase un cruceiro datado de finais do século XIX.
• Castro de Forxao. Este castro tamén chamado "A Costeira", é de planta rectangular, e encóntrase protexido por unha muralla e por un terraplén que circunda a muralla (este é tamén o sistema de defensa do castelo de Moeche), a parte accesible do castro encóntrase en bo estado de conservación.

En San Xoán de Moeche celébranse dúas feiras ao mes, os días 11 e 23 no campo da feira.

O 23 de abril de cada ano ten lugar unha feira no campo de San Ramón de Moeche, onde tamén hai carreiras de cabalos.

• San Ramón: celébrase na capela de San Ramón o 31 de agosto de cada ano, aínda que desde algúns anos non se celebra por falta de actividade por parte dos veciños.
• San Xoán: na capela de San Xoán o 24 de xuño de cada ano, aínda que desde algúns anos tampouco se celebra por falta de veciños colaboradores.
• Balocos: Festa celebrada todos os anos en setembro, empezou a facerse hai pouco tempo xa que antes celebrábase a festa de Balocos conxuntamente coa de San Ramón.

• 
  Capela de San Ramón.
• 
  Lugar de San Ramón.
• 
  San Xoán de Moeche.

• Lugares de Moeche