Rosalía Dans

Biografía
Nacemento	1 de xullo de 1955 A Coruña, España
Morte	18 de marzo de 2024 (68 anos) Madrid, España
Actividade
Campo de traballo	Actuación, pintura e poesía
Ocupación	pintora, actriz, poetisa
Familia
Pais	Celso Collazo Lema   e María Antonia Dans

Rosalía Collazo Dans, nada na Coruña o 1 de xullo de 1955 e finada en Madrid o 18 de marzo de 2024,^[1] foi unha actriz, poeta e pintora galega, coñecida artisticamente como Rosalía Dans.

Foi filla da pintora María Antonia Dans^[2] e do escritor Celso Collazo Lema. Iniciouse no audiovisual na serie de Televisión Española Los gozos y las sombras, onde interpretou a Rosario la Galana.^[3] Posteriormente apareceu noutras series de televisión como Goya (1985), Las aventuras de Pepe Carvalho (1986) ou Lorca, muerte de un poeta (1987). Participou en varios filmes, como Amanece, que no es poco (José Luis Cuerda, 1989), La gran comedia (Juan Pinzás, 1986), Galego (Manuel Octavio Gómez, 1988) ou La seducción del caos (Basilio Martín Patino, 1990), que foi o seu último filme.

Foi portada das revistas Fotogramas en novembro de 1975 e Interviú en setembro de 1982, unha revista que adoitaba levar modelos espidas ás súas páxinas (o que tivo un importante eco no tempo)^[4].

Como pintora fixo a súa primeira exposición en 1986, e a partir da década dos noventa dedicou a súa produción artística ás artes plásticas e á poesía.

• La amatista (poesía; Ópera Prima, 2009)^[5]
• El testamento (poesía; Ópera Prima, 2015)
• Zen (poesía; Ópera Prima, 2016)
• Trilogía: La amatista, El testamento, Zen (poesía; Ediciones Libertarias, 2019)

• Ficha en AVG.