Ramón Rodríguez Vázquez

Modelo:BiografíaRamón Rodríguez Vázquez
Biografía
Nacemento24 de agosto de 1998 (26 anos)
Monforte de Lemos, España Editar o valor en Wikidata
País de nacionalidadeGalicia
Altura1,87 m
Actividade
Ocupaciónfutbolista Editar o valor en Wikidata
Período de actividade2016 Editar o valor en Wikidata -
Deportefútbol Editar o valor en Wikidata
Posición de xogoPorteiro
Traxectoria Editar o valor en Wikidata
  Equipo Número de partidos xogados Puntos/goles/tantos anotados
–   Deportivo da Coruña

Ramón Rodríguez Vázquez, nado en Monforte de Lemos o 24 de agosto de 1998, é un futbolista galego. Xoga na demarcación de porteiro e o seu equipo actual é o Atlético Arteixo.

Formado nas categorías inferiores do Deportivo da Coruña, desenvolveu toda a súa carreira deportiva entre a Terceira División e a Preferente.[1][2] En 2023 proclamouse campión da Copa das Rexións da UEFA coa selección galega.[3]

Traxectoria

Natural de Neiras, no concello de Sober, entrou con oito anos no CP Calasancio de Monforte, onde xogou ata 2014 nas súas categorías inferiores.

En abril de 2014 disputou a Oviedo Cup, un torneo de fútbol cadete, co Deportivo da Coruña.[4] Na tempada 2014/15 fichou polo equipo da Coruña e xogou no Xuvenil B,[5] no que comparte titularidade con Javier Tasende.

Na tempada 2015/16 pasou a xogar co Xuvenil A na División de Honra. O 31 de xaneiro de 2016 debutou co Fabril en Terceira división, no partido contra o Alondras CF disputado en Cangas.[6] Nesa tempada, tamén foi convocado por Víctor Sánchez del Amo para o partido do primeiro equipo contra o Sevilla FC no Estadio Ramón Sánchez Pizjuán, xogado o 17 de abril de 2016.[1][2]

Na tempada 2016/17 xogou novamente no Xuvenil A, aínda que tamén disputou dous partidos co Fabril. Os últimos oito partidos da tempada xogou cedido no xuvenil do Santiago de Compostela CF.[7]

En xuño de 2017 chegou ao UD Somozas da Terceira división, equipo no que xogou cedido polo Deportivo ata xaneiro.[7] De xaneiro a xuño de 2018 xogou cedido no Atlético Arteixo, de Preferente. Na tempada 2018/19 fichou polo Atlético Montañeros, tamén na Preferente, no que destacou por manter a portería a cero varias xornadas consecutivas.[8]

Na tempada 2019/20 fichou polo Club Lemos, equipo que volveu esa tempada a Preferente.[2]

En xuño de 2020 fichou pola SD Fisterra,[9] acabado de ascender a Terceira División. Despois de xogar 6 dos primeiros 11 partidos e non ter continuidade como titular, en xaneiro de 2021 fichou pola SD Dubra, equipo de Preferente.[10]

En xullo de 2021 ficha pola UD Ourense, equipo descendido a tempada anterior a Preferente.[11] Na súa primeira tempada no equipo consegue volver a Terceira Federación. Na tempada 2022/23 clasifícase para o playoff de ascenso a Segunda Federación.

En xuño de 2023 anúnciase o seu retorno ao Atlético Arteixo, equipo da Terceira Federación.[12]

Selección galega

Ramón foi convocado coa selección galega en xuvenís de segundo ano e en alevíns de segundo ano.

Copa das Rexións da UEFA

En outubro de 2022 foi convocado para os tres partidos que Galicia disputou da fase intermedia da Copa das Rexións da UEFA.[13] Foi titular nos tres, encaixando un único tanto e conseguindo o combinado galego a clasificación para a fase final do torneo.

Na fase final disputada en Galicia en xuño de 2023, Ramón foi titular nos tres encontros do Grupo A no que quedou encadrada a selección galega e que finalizaron con tres vitorias fronte a Irlanda, Zenica-Doboj e Baviera. Tamén foi titular na gran final disputada na Lomba contra Belgrado, na que Galicia se proclamou campioa do torneo.[3]

Equipos

Ano Club División PX[14] GE[14] TA TV
2014-2015 Galicia Deportivo Xuvenil B Liga Nacional 16 17 1 0
2015-2016 Galicia Deportivo Xuvenil A División de honra 11 17 1 0
Galicia Deportivo Fabril 3ª División 1 3 1 0
2016-2017 Galicia Deportivo Xuvenil A División de honra 3 6 0 0
Galicia Deportivo Fabril 3ª División 2 2 0 0
Galicia Santiago CF Xuvenil División de honra 8 14 ? ?
2017-2018 Galicia UD Somozas 3ª División 3 7 0 0
Galicia Atlético Arteixo Preferente 10 18 0 0
2018-2019 Galicia Atlético Coruña Montañeros Preferente 22 26 0 0
2019-2020 Galicia Club Lemos Preferente 17 32 2 1
2020-2021 Galicia SD Fisterra 3ª División 6 12 0 0
Galicia SD Dubra Preferente 12 18 0 0
2021-2022 Galicia UD Ourense Preferente 25 15 2 0
2022-2023 3ª Federación 21 23 4 1

PX: Partidos xogados. GE: Goles encaixados. TA: Tarxetas amarelas. TV: Tarxetas vermellas.

Palmarés

Notas

  1. ↑ 1,0 1,1 "El meta juvenil Ramón, novedad entre los 19 convocados". RC Deportivo. 16 de abril de 2016. Consultado o 4 de febreiro de 2020. 
  2. ↑ 2,0 2,1 2,2 "Nuevo portero para el Club Lemos". La Voz de Galicia. 9 de xuño de 2019. Consultado o 1 de outubro de 2019. 
  3. ↑ 3,0 3,1 "O campión de Europa é de Sober". La Voz de Galicia. 20 de xuño de 2022. Consultado o 20 de xuño de 2023. 
  4. ↑ "Ramón, con el Deportivo". La Voz de Galicia. 2 de abril de 2014. Consultado o 1 de outubro de 2019. 
  5. ↑ "El portero soberino, Ramón Rodríguez, renovó con el Deportivo". La Voz de Galicia. 10 de xuño de 2015. Consultado o 1 de outubro de 2019. 
  6. ↑ "El Fabril cae en Cangas tras ir a remolque todo el encuentro". La Voz de Galicia. 1 de febreiro de 2016. Consultado o 1 de outubro de 2019. 
  7. ↑ 7,0 7,1 "Ramón Rodríguez ficha por el Somozas". La Voz de Galicia. 29 de xuño de 2017. Consultado o 1 de outubro de 2019. 
  8. ↑ "Los guardianes morados". DXT. 3 de maio de 2019. Consultado o 1 de outubro de 2019. 
  9. ↑ "El Fisterra ficha a un portero y el Soneira renueva al entrenador". La Voz de Galicia. 18 de xuño de 2020. Consultado o 20 de xuño de 2020. 
  10. ↑ "Ramón Rodríguez abandona el Fisterra y se incorpora al Dubra". La Voz de Galicia. 8 de xaneiro de 2021. Consultado o 9 de xaneiro de 2021. 
  11. ↑ "La UD Ourense trabaja en sus altas". La Voz de Galicia. 30 de xullo de 2021. Consultado o 30 de xullo de 2021. 
  12. ↑ "El Atlético Arteixo ficha al portero Ramón procedente del Ourense". DxT Campeón. 29 de xuño de 2023. Consultado o 30 de xuño de 2023. 
  13. ↑ "Los 18 elegidos por Iván Cancela para disputar la Copa Regiones UEFA con Galicia". DxT Campeón. 30 de setembro de 2022. Consultado o 15 de outubro de 2022. 
  14. ↑ 14,0 14,1 "Ramón Rodríguez Vázquez". lapreferente.com. 

Véxase tamén

Ligazóns externas