PROFILPELAJAR.COM

Rafael de Vega Barrera
	;
Biografía
Nacemento	1889 ; Zazuar, España
Morte	21 de outubro de 1936 (46/47 anos); Lugo, España
Causa da morte	pena de morte, ferida por arma de fogo
Deputado nas Cortes republicanas
	18 de setembro de 1931 – 9 de outubro de 1933 ; ← Manuel Portela Valladares ; Lexislatura: I lexislatura da Segunda República Española ; Circunscrición electoral: Lugo
Actividade
Ocupación	médico, político
Partido político	Partido Republicano Radical

Rafael de Vega Barrera, nado en Zazuar (Burgos) en 1889 e finado en Lugo o de 21 de outubro de 1936, foi un médico e político español.

Traxectoria

Era membro da masonaría. Traballou como cirurxián en Lugo, onde a miúdo operaba a xente humilde sen cobrar. Foi director do Hospital Municipal de Lugo, cidade na que proclamou a República desde o balcón da Casa do Concello. Nas eleccións a Cortes Constituíntes de 1931 foi elixido deputado pola provincia de Lugo polo Partido Republicano Radical.

Co golpe de Estado do 18 de xullo de 1936 o 19 de xullo de 1936 organizou a resistencia na cidade de Lugo con José María Díaz Díaz-Villamil e Jacinto Calvo López. Foi detido polos militares sublevados, sufriu un simulacro de xuízo e foi fusilado na tapia do cemiterio de Lugo ás 18:00 horas do 21 de outubro de 1936 con José Ramos López, Perfecto Abelairas Castro, Ángel Pérez López e Ramón García Núñez.^[1] Para facerlle fronte ás responsabilidades políticas embargáronlle os seus bens.^[2]^[3] En 2024 anulouse o seu xuízo.^[4]