Río Sambre

Tipo	río
Inicio
Continente	Europa
Altitude inicial	216 m
División administrativa	Altos de Francia e Valonia, Bélxica
Localización	Fontenelle
Final
División administrativa	Alto Marne, Francia
Localización	Río Mosa
50°01′49″N 3°50′29″L / 50.0302, 3.8414 B 50°27′43″N 4°52′15″L / 50.4619, 4.8708
Afluentes	26
Conca hidrográfica	Meuse basin (en)
Características
Altitude	89 m
Dimensións	190 () km
Superficie da cunca hidrográfica	2.740 km²
Medicións
Caudal	36 m³/s

O Sambre (en holandés, Samber) é un río francés e belga, afluente do Mosa, co cal se une logo dun curso de 180 km.

O Sambre nace no bosque de Cartignies, nas proximidades de Le Nouvion-en-Thiérache, no planalto de Saint-Quentin (Aisne). Atravesa Hautmont, Maubeuge, Jeumont (en Francia), e logo Merbes-le-Château, Fontaine-Valmont, Lobbes, Thuin, Charleroi, Sambreville, Floreffe (en Valonia, Bélxica), para render á fin as súas augas no Mosa en Namur. O seu curso é de arredor de 180 km (88 km en territorio francés). A conca hidrográfica en Francia é de 1.250 km², e a pendente media de 0,2 ‰. O total da conca abrangue 2.740 km².

No seu tramo valón, o Sambre, é dicir o Baixo Sambre, dá nome a unha parte da bacía industrial valoa, particularmente notoria polas minas de carbón, actualmente pechadas.

O fluxo medio observado a Namur entre 1995 e 2004 foi de 36 m³/s, cunha media máxima de 54,86 m³/s no 2001, e unha media mínima de 21,76 en 2004^[1].

O río está canalizado segundo o estándar Freycinet (250 t a 1,8 m de calado) desde Landrecies até Monceau e segundo o estándar de 1.350 t desde alí até Namur.

O Sambre conta con numerosos afluentes: Riviérette, Tarsy, Cligneux, regueiro de Eclaibes, Flamenne, Helpe Menor, Helpe Maior, Solre, Hante, Thure, Biesmelle, Eau d'Heure e Acoz.

O Sambre costituíu, en séculos pasados, un paso obrigado para tudos os exércitos que que quixeran flanquear as Ardenas. Isto explica a movida historia da rexión.

Durante a primeira guerra mundial combateuse sobre o seu curso en 1914 (Batalla da Fronteira) e máis no derradeiro mes da guerra (Batalla do Sambre, novembro de 1918).

1. ↑ Rexión valoa - portada dos principais cursos de auga

Wikimedia Commons ten máis contidos multimedia na categoría:  Río Sambre

• (en francés) Ministero da rexión valoa - Estado da conca do Sambre O modelo {{PDF}} debe ter un argumento. PDF.
• (en francés) Dicionario dos ríos e dos canais de Francia do Projet Babel: a canle do Oise ao Sambre