O porto de Palma é un porto pesqueiro, comercial, de pasaxeiros e deportivo da cidade de Palma de Mallorca, nas Illas Baleares. Está xestionado pola Autoridade Portuaria de Baleares e é capitanía da provincia marítima de Mallorca.

É un dos primeiros do mar Mediterráneo en número de cruceiros turísticos e un referente internacional en canto á reparación de embarcacións. Nel a Autoridade Portuaria de Baleares presta servizos de amarre, practicaxe, remolque, recepción de residuos, estiba e desestiba e servizo á pasaxe.

• Sitio web do porto