O último desafío (en inglés: The Last Stand) é un filme estadounidense de 2013 dirixido por Kim Jee-woon, no seu debut como director dun filme estadounidense. Está protagonizado por Arnold Schwarzenegger, xunto con Forest Whitaker, Johnny Knoxville, Rodrigo Santoro, Jaimie Alexander, Luis Guzmán, Eduardo Noriega, Peter Stormare, Zach Gilford e Genesis Rodriguez e foi escrito por Andrew Knauer. Foi o primeiro papel protagonista de Arnold Schwarzenegger dende Terminator 3: A rebelión das máquinas en 2003. O filme céntrase nun duro sheriff dunha vila pequena e os seus axundantes que deben impedir que un perigoso capo da droga escape a México nun coche deportivo modificado.
A rodaxe produciuse en Belen, Novo México e Nevada a finais de 2011. Estreouse o 14 de xaneiro de 2013 en Grauman's Chinese Theatre e estreouse nos cinemas dos Estados Unidos o 18 de xaneiro de 2013 a través de Lionsgate, recibindo valoracións dispares dos críticos e recadou 48,3 millóns de dólares en todo o mundo fronte a un orzamento de 45 millóns de dólares.
Estreouse en galego o 19 de xullo de 2023 a través da TVG.[3][4]
Personaxes
Notas
