O cativo (en inglés: The Kid) é un filme mudo estadounidense de 1921 escrito, producido, dirixido e protagonizado por Charlie Chaplin, quen aparece a carón de Jackie Coogan[4] como o seu fillo adoptado. Foi a primeira longametraxe de Chaplin como director (anteriormente co-protagonizara o filme de 1914 Tillie's Punctured Romance). Foi un grande éxito e o segundo filme en recadación do ano 1921, só por detrás de The Four Horsemen of the Apocalypse. En 2011, O cativo foi escollido para a súa preservación no National Film Registry da Biblioteca do Congreso dos Estados Unidos de América por ser "cultural, histórico ou esteticamente significativo". Innovador na súa convinación de elementos de comedia e de drama,[5]O cativo é amplamente considerado un dos mellores filmes da época muda.[6]
