O Mesón Vello é un lugar da parroquia de Trasparga no concello lugués de Guitiriz na comarca da Terra Chá. Segundo o Instituto Galego de Estatística en 2007 tiña tres habitantes (un home e dúas mulleres), a mesma cantidade ca en 2000.

O topónimo "Mesón" pode facer referencia a un establecemento público onde se serve comida, ou tamén pode estar vinculado cun orónimo que fai referencia a unha zona chá e elevada, nunha relación figurada co termo meso semellante á existente entre meseta e mesa.^[1] O lugar está situado ao pé da estrada N-VI.