Nas redes de comunicación, un nó ou nodo (do latín nodus) é un punto de conexión, xa sexa un punto de redistribución ou un terminal de comunicación. A definición dun nó depende da rede e da capa de protocolo a que se refire. Un nó físico de rede é un dispositivo electrónico activo que está conectado a unha rede, e é capaz de enviar, recibir ou transmitir información a través dunha canle de comunicación. ^[1] Polo tanto, un punto de distribución pasivo, como un cadro de distribución ou un panel de conexión, non é un nó.

Nas comunicacións de datos, un nó físico de rede pode ser un equipo de circuíto de terminación de datos (DCE), como un módem, un hub, unha ponte ou un conmutador, ou un equipo terminal de datos (DTE), como un teléfono dixital, unha impresora ou un ordenador host, por exemplo un router, unha estación de traballo ou un servidor.

Un nó representa cada punto de interconexión cunha estrutura ou rede, independentemente da función do equipo representado por esta.

En informática, nó tamén pode representar un elemento dunha árbore de busca binaria ou un vértice dun grafo.^[2]

Wikimedia Commons ten máis contidos multimedia na categoría:  Nó