Nymphalis antiopa
Estado de conservación
Non avaliado
Clasificación científica
Reino: Animalia Filo: Arthropoda Clase: Insecta Orde: Lepidoptera Familia: Nymphalidae Xénero: Nymphalis Especie: N. antiopa (Linnaeus, 1758)

Nymphalis antiopa é unha especie de lepidóptero ditrisio da familia Nymphalidae, amplamente distribuída por Eurasia e Norteamérica.

As súas ás granate escura caracterízanse por un bordo amarelo, que ten xunto a el unha banda de puntos azuis iridiscentes. Vistas de preto, as ás son iridiscentes. Ten unha envergadura de 73 a 86 mm. Ás veces aparece unha variación, cando a pupa estivo exposta a temperaturas infrecuentemente baixas, en que a banda amarela é máis ampla que o normal, e non presenta as manchas azuis. Envergadura 57-101 mm.^[1]

A eiruga chega a medir 50 mm. Ten pelos irritantes.

• 
  ♂
• 
  ♂ △
• 
  Forma aberrante Ex larva ♂
• 
  Forma aberrante Ex larva ♂ △

Vive en Norteamérica, entre a liña da tundra de Canadá e Alaska polo norte, até a rexión central de México polo sur. Tamén é posible atopala en moi raras ocasións no norte de América do Sur. Tamén habita o norte de Eurasia, desde Inglaterra até Xapón. Vive en cursos de ríos, bordos de bosque ou zonas boscosas abertas e parques.^[1]

As súas eirugas aliméntanse das follas de árbores deciduos, entre os que se atopan os olmos e salgueiros. Os adultos aliméntanse do zume das árbores, e de froita en descomposición, de maneira moi infrecuente aliméntanse do néctar das flores. Pasan o inverno no estadio adulto e por iso son das primeiras bolboretas que voan na primavera.^[1]

• Nymphalis antiopa yedanula

• Bugguide.net. Species Nymphalis antiopa - Mourning Cloak