Nogueiroa
Placa de Nogueiroa (O Irixo).
Parroquia	Parada de Labiote
Concello	O Irixo
Coordenadas	42°29′27″N 8°10′50″O / 42.490833333333, -8.1805555555556
Poboación	69 hab. (2011)
[ editar datos en Wikidata ]

Nogueiroa é un lugar da parroquia de Parada de Labiote no concello ourensán do Irixo na comarca do Carballiño. Tiña 69 habitantes no ano 2011 segundo datos do INE^[1] e do IGE^[2], dos cales 28 eran homes e 41 mulleres.

O lugar ten unha capela dedicada a Santo Antonio de construción recente no sitio do Reboiro. Baixo a capela hai un lavadoiro cunha placa conmemorativa da traída da auga ao lugar. Fronte á capela, está un cruceiro. A praza está rodeada de canastros herdanza do uso que a eira tiña tradicionalmente. Hai outras eiras de canastros como a eira da Tía Rosiña. No fondo do lugar hai unha fonte pública de auga potábel.

Seguindo a estrada para Parada, antes da última casa, hai unha verea que baixa para o Porto do Río onde está a ponte vella que cruza o río en dirección á parroquia de Parada de Labiote. A estrada Parada-Xendive OU-0416 cruza o río en Nogueiroa en dous puntos. Subindo desde a segunda ponte para Parada, está o camiño para Cernado, con elementos propios dos valados tradicionais.

• 
  Capela de Santo Antonio de Nogueiroa (O Irixo)
• 
  Vista do río Viñao desde o Porto do Río en Nogueiroa (O Irixo)

Wikimedia Commons ten máis contidos multimedia na categoría:  Nogueiroa, Parada de Labiote, O Irixo