New-York Tribune

New-York Tribune

Editar o valor en Wikidata
Fundación1841
Lingualingua inglesa
LocalidadeNova York
ISSN1941-0646
[ editar datos en Wikidata ]

O New-York Tribune, tamén escrito New York Tribune, foi un xornal estadounidense do século XIX e XX, publicado entre 1841 e 1966.

Historia

O fundador do xornal, Horace Greeley.

Primeiros anos

Foi fundado por Horace Greeley como un xornal de centavos do Partido Whig o 10 de abril de 1841.[1] Entre 1842 e 1866, o xornal chamouse New-York Daily Tribune[1] mais, posteriormente, recuperou o nome orixinal. O Tribune non só daba a coñecer as noticias de sucesos diarios, senón que abarcaba tamén temas como a opinión política, obras literarias, reformismo social e diversos logros intelectuais.[2]

Tivo como colaboradores, entre outros, ao caricaturista de charge política Thomas Nast e ao filósofo e economista comunista Karl Marx. Durante a década de 1850 e comezos da década de 1860, Marx escribiu unha serie de artigos para este diario desde Londres. Estes artigos abordaban cuestións europeas e análises políticas, entre elas os artigos recollidos en Revolutionary Spain onde menciona a Galiza en diversas ocasións.[3][4] Outra colaboradora destacada foi Margaret Fuller, a primeira muller en exercer a crítica literaria nun medio de comunicación de masas.

Horace Greeley, a través do Tribune, apoiou os inicios do Partido Republicano.[5] En 1860 o Tribune apoiou a Abraham Lincoln como presidente dos Estados Unidos e durante a Guerra civil estadounidense. Porén, o xornal opúxose á súa reelección en 1864.[1] Durante algún tempo o xornal tivo a maior tirada nos Estados Unidos.[5] Os editoriais do Tribune foron moi lidos e axudaron a dar forma á opinión pública nos Estados Unidos.

Tiraxe dos seis xornais de Nova York na orixe da Associated Press (AP)
Xornal The Sun New York Herald New-York Tribune The Express Courier and Enquirer Journal of Commerce
Tiraxe en 1850[6] 55 000 32 640 19 480 10 700 5 200 4 800

Século XX

En 1924, baixo a dirección do fillo do fundador, Ogden Mills Reid, fusionouse co seu rival New York Herald para formar o New York Herald Tribune. que seguiu sendo dirixido por Ogden Mills até a súa morte en 1947. Seguiu sendo un importante diario dos Estados Unidos até que rematou a súa publicación en 1966.[7]

Antigos edificios do Tribune na actualidade

  • O New York Tribune Building foi a primeira casa da Universidade Pace. O lugar onde estaba o edificio eestá ocupado nestes momentos polo complexo One Pace Plaza do campus de Nova York da Universidade Pace. A residencia e hospital privado do doutor Choate, onde morreu Horace Greeley, forman hoxe parte do campus da Universidade Pace en Pleasantville, Nova York.
  • O 15 de decembro de 1921, The New York Tribune comprou dous terreos nos 219 e 220 West 40th Street. A sede que The New York Tribune construíu nese lugar é agora a sede da facultade de periodismo da Universidade de Nova York.

Arquivos

AS copias dos números do New-York Tribune están dispoñibles en microfilme en moitas bibliotecas grandes dos Estados Unidos e tamén está en liña na Biblioteca do Congreso,[1] onde tamén están os índices de anos determinados de finais do século XIX.Os artigos orixinais se conservan no Centro de Historia Americana da Universidade de Texas en Austin.

Notas

  1. ↑ 1,0 1,1 1,2 1,3 Humanities, National Endowment for the. "New-York tribune. [volume]". ISSN 1941-0646. Consultado o 2023-09-15. 
  2. ↑ "Greeley". Tulane.edu (en inglés). Arquivado dende o orixinal o 17 de decembro de 2007. Consultado o 15 de setembro de 2023. 
  3. ↑ Marx, Karl; Engels, Friedich (2017-01-01). La Revolución española (en castelán). Ediciones AKAL. ISBN 978-84-460-4417-8. 
  4. ↑ "Revolutionary Spain: Karl Marx". libcom.org (en inglés). Consultado o 2023-09-15. 
  5. ↑ 5,0 5,1 Adam-Max Tuchinsky, Horace Greeley's New-York Tribune: Civil War-era Socialism and the Crisis of Free Labor (Ithaca, NY: Cornell University Press, 2009), pp. 11–12
  6. ↑ Schwarzlos (1999), p. 125
  7. ↑ "Elephind.com — New-York tribune.". www.elephind.com. Consultado o 2023-09-15. 

Véxase tamén

Bibliografía

  • Schwarzlos, Richard Allen (1989). The Nation's Newsbrokers (en inglés). Volume I (The Formative Years: From Pretelegraph to 1865). Evanston, IL: Northwestern University Press. ISBN 978-0-8101-0818-9.