Nacerá unha bruxa (titulado orixinalmente en inglés A Witch Shall Be Born) é un dos relatos orixinais que Robert E. Howard escribiu para a súa personaxe de espada e bruxaría, Conan o bárbaro. Escrito e publicado en 1934 na revista Weird Tales o relato trata dunha bruxa que substitúe á súa irmá xemelga como raíña dunha cidade-estado, o que a fai entrar en conflito con Conan, quen até entón fora o capitán da garda da raíña. Temas da paranoia e a dualidade das irmás xemelgas son de suma importancia nesta historia, pero tamén a teñen elementos do conflito entre a barbarie e a civilización, unha temática común a todas as historias de Conan.
Foi traducido ó galego por Tomás González Ahola e foi publicado dentro da colección "Conan II" de Urco Editora no ano 2012.[1]
Notas
