Nada nunha familia de clase media, creceu principalmente en Ohio, onde asistiu a escolas públicas e privadas de nenas. Davis casou, en 1863, co doutor Joseph Burrell Treat, abolicionista e profesor; viviron en Iowa, e en 1868 mudáronse a Vineland, Nova Jersey.[2]
Carreira e investigacións
Drosera anglica cunha presa.
Despois de mudarse a Nova Jersey, Treat comezou estudos científicos; e colaborou co seu marido en artigos e investigacións sobre entomoloxía.[2] O primeiro artigo científico de Treat publicouse en "The American Entomologist" cando tiña 39 anos. E, durante 28 anos, escribiu 76 artigos científicos e divulgativos, ademais de cinco libros. A súa investigación expandiuse rapidamente desde a entomoloxía ata a ornitoloxía e a botánica, detallando a vida de aves e plantas no sur de Nova Jersey.[2] En 1874, despois da súa separación do seu marido, Treat mantívose publicando artigos de divulgación científica en revistas como Harpers and Queen. A partir de 1870, publicou artigos naturalistas populares en Garden and Forest, Hearth and Home, Harper's e Lippincott's.[2][3]
O seu texto, Injurious Insects of the Farm and Field, publicado orixinalmente en 1882, foi reimpreso cinco veces. Coleccionou plantas e insectos para outros investigadores, un dos cales foi o eminente botánico de Harvard, Asa Gray. Foi Gray quen a presentou a Charles Darwin. Treat escribiu notas para conferencias botánicas e entomolóxicas, non só para Darwin e Gray, senón tamén para Auguste Forel e Gustav Mayr. Viaxou varias veces a Florida entre 1876 e 1878 para investigar máis plantas insectívoras. Nunha desas viaxes, descubriu o lirioZephyranthes treatae (que recibiu o seu nome por Sereno Watson) e descubriu que outro lirio non estaba extinguido.[2]
Notas
↑Lorrain Abbiate Carruso & Terry Kohn, Mary Lua Adelia Davis Treat 1830-1923, p. 199-201 of Past and promise: Lives of New Jersey women, First Cyracuse University Press, 1997.
