A MBTPS2 (do inglés membrane-bound transcription factor site-2 protease), protease do sitio 2 de factor de transcrición unida a membrana, tamén chamada endopeptidase S2P ou protease do sitio 2 (S2P), é un encima (EC 3.4.24.85) codificado polo xene MBTPS2 do cromosoma X humano, que libera o fragmento N-terminal dos factores de transcrición SREBP das membranas.^[1][2] A S2P corta o dominio transmembrana da SREPB, polo que que un membro da clase das proteases intermembrana.^[3]

A S2P cataliza a seguinte reacción:

Corta varios factores de transcrición que son proteínas transmembranas de tipo 2 con dominios situados dentro das membranas. Substratos coñecidos son SREBP-1, SREBP-2 e formas do activador transcricional ATF6.

Este enima pertence á famila das peptidases M50.

Este xene codifica unha metaloprotease de cinc intramembrana, que é esencial no desenvolvemento. Esta protease funciona na activación da proteína sinal implicada no control da transcrición de esterois e a resposta ao estrés do retículo endoplasmático. As mutacións neste xene foron asociadas coa ictiose folicular con alopecia e fotofobia; esta síndrfome foi ligada cuantitativamente coa redución da homeostase do colesterol e a resposta ao estrés do retículo endoplasmático.^[4]

• MBTPS1

• SREBP site 2 protease Medical Subject Headings (MeSH) na Biblioteca Nacional de Medicina dos EUA.
• S2P endopeptidase Medical Subject Headings (MeSH) na Biblioteca Nacional de Medicina dos EUA.

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.