Luis Tristán de Escamilla, nado en 1585 e finado en 1624, foi un pintor español, o principal dos discípulos de El Greco. É coñecido habitualmente como Luis Tristán e, incluso, ás veces como simplemente Tristán.
Traxectoria
Tristán naceu na mesma cidade de Toledo no ano 1585. Formou parte do taller de El Greco entre 1603 e 1606. Nos anos seguintes viaxou a Italia, onde estivo até 1613, independizándose posteriormente. O seu primeiro contrato coñecido é do ano 1613. Poucos anos despois faleceu o 7 de decembro de 1624.
Cóidase que Tristán realizou copias de cadros de El Greco, que figuran asinados polo mestre, pero o seu estilo, a pesar de ser considerado como o discípulo máis importante, é diferente, pois mostra tipos máis realista, con uso de técnicas claroscuras que aproximan a obra de Luis Tristán á doutros pintores de comezos do século XVII, influenciados polo tenebrismo.
_02.jpg)
