Little Miss Sunshine
Ficha técnica
Título orixinal	Little Miss Sunshine
Director	Jonathan Dayton e Valerie Faris
Produtor	Marc Turtletaub David T. Friendly Peter Saraf Albert Berger Ron Yerxa
Guión	Michael Arndt
Intérpretes	Steve Carell Toni Collette Greg Kinnear Alan Arkin Beth Grant Paul Dano Abigail Breslin
Música	Mychael Danna DeVotchka
Fotografía	Tim Suhrstedt
Montaxe	Pamela Martin
Estrea	2006
Duración	101 min.
Orixe	Estados Unidos
Xénero	Comedia, drama
Orzamento	$8 000 000[1]
Recadación	$100 523 181
Na rede
http://www.foxsearchlight.com/littlemisssunshine/

Little Miss Sunshine é un filme estadounidense do ano 2006, dirixida por Jonathan Dayton e Valerie Faris. A película gañou o Óscar ó mellor actor secundario (Alan Arkin) e o Óscar ó mellor guión orixinal e foi candidata ó Óscar ó mellor filme, á parte de participar e obter outros premios.

Os Hoover realizan unha viaxe a California para presentar a nena Olive (Abigail Breslin) a un concurso de beleza chamado Little Miss Sunshine. Ante a grande ilusión da filla, seus pais Richard (Greg Kinnear) e Sheryl (Toni Collette) deciden facer o longo traxecto durante o cal as personalidades dos membros da familia sairán a flote. Na furgoneta Volkswagen marela que empregan para a viaxe van, á parte dos pais, a cativa, o avó de Olive e pai de Richard (Alan Arkin), que axuda a Olive co concurso, o tío Frank (Steve Carell), profesor experto na obra de Marcel Proust que se recupera dun intento de suicidio tras ser abandonado polo seu mozo, e o irmán de Olive, Dwayne (Paul Dano), fanático de Nietzsche que está realizando un voto de silencio até ingresar na Forza Aérea dos Estados Unidos.

• Greg Kinnear como Richard Hoover
• Steve Carell como Frank Ginsberg
• Toni Collette como Sheryl Hoover
• Paul Dano como Dwayne Hoover
• Abigail Breslin como Olive Hoover
• Alan Arkin como Edwin Hoover
• Bryan Cranston como Stan Grossman
• Dean Norris como State Trooper McCleary
• Wallace Langham como Kirby
• Beth Grant como Asistente oficial Jenkins
• Mary Lynn Rajskub como Asistente do concurso Pam
• Matt Winston como Asistente MC

Recibiu en total 31 premios e 34 candidaturas.

• A rodaxe realizouse entre os estados de California e Arizona. Concretamente en Arizona filmouse nas localidades de Chandler, Flagstaff e Phoenix. No estado de California gravouse nos Ánxeles, Santa Clarita e Ventura.
• O DVD trae finais alternativos onde rouban o premio do concurso.
• Os directores, habituais no mundo dos vídeos musicais, realizaron videoclips para Red Hot Chili Peppers, R.E.M., The Smashing Pumpkins e Oasis, entre outros.
• A actriz Mary Lynn Rajskub (1971) fai unha aparición cun pequeno papel na fin do filme.

1. Sufjan Stevens: Chicago (Sufjan Stevens).
2. Matt Winston: America The Beautiful (tradicional).
3. Francisco Javier González e Jose Zúñiga: Tu Abandono (Xocoyotzin Herrera).
4. John Ehrlich: Information Highway (John Ehrlich).
5. DeVotchka: Enemy Guns (DeVotchka).
6. Casandra Ashe: Give My Regards To Broadway (George M. Cohan).
7. Conway Twitty: Fifteen Years Ago (Raymond A. Smith).
8. Inspiration: You've Got Me Dancing (Gordon Pogoda e Barry Upton).
9. DeVotchka: La llorona (tradicional).
10. Lindsey Jordan: Rodeo Queen (Darvin Jordan).
11. David Sparkman: Martini Lounge (David Sparkman, Scott Nickoley e Jamie Dunlap).
12. Pulse: Give It Up (Marc Dold e Judith Martin).
13. John Ehrlich: Change The World (John Ehrlich).
14. Julie Griffin: Let It Go (Gordon Pogoda).
15. Rick James: Super Freak (Rick James e Alonzo Miller).
16. DeVotchka: Til The End Of Time (Nick Urata e DeVotchka).
17. Sufjan Stevens: No Man's Land (Sufjan Stevens).

Antes de escribir o guión, Arndt leu nun xornal que o actor e gobernador de California Arnold Schwarzenegger, nun discurso ante uns escolares, dixo: «Se hai algo neste mundo que me dea noxo, son os perdedores. Desprézoos profundamente». Como resultado, Arndt creou un guión satirizando esa actitude^[2].

• Little Miss Sunshine na IMDb (en inglés).
• Ficha en AllMovie (en inglés)
• Ficha en RottenTomatoes (en inglés)
• Ficha en Metacritic (en inglés)
• Ficha en BoxOfficeMojo (en inglés)