Presidente de Filipinas Pangulo ng Pilipinas
Escudo presidencial
Titular Rodrigo Duterte Dende o 30 de xuño de 2016
Residencia	Palacio de Malacañang, Manila
Sede	Manila
Ámbito	Filipinas
Designado por	Sufraxio universal e directo
Duración	6 anos, non renovábeis
Creación	23 de xaneiro de 1899
Primeiro titular	Emilio Aguinaldo
Precedido por	Gobernador Xeral de Filipinas
Salario	395 858 pesos flipinos anuais[1][2]
Sitio web	op-proper.gov.ph

O presidente de Filipinas é o xefe de Estado e xefe de goberno de Filipinas.

Segundo a Constitución de Filipinas de 1987, o presidente do país é elixido polo pobo para un único período de 6 anos.^[3] Esta é a lista de presidentes de Filipinas dende a independencia do país ata hoxe.

Durante a colonización española, as illas formaban a Capitanía xeneral de Filipinas. A monarquía española estaba representada polo Gobernador Xeral de 1565 a 1898. España cedeu todas as súas restantes posesións, incluída Filipinas, ao final da guerra hispano-estadounidense a través do Tratado de París.

A Primeira República Filipina inaugurouse o 23 de xaneiro de 1899 en Malolos e rematou o 23 de marzo de 1901 cando o presidente Emilio Aguinaldo foi capturado polos estadounidenses en Palanan.

Imaxe	Nome	Comezo do mandato	Fin de mandato	Partido
	Emilio Aguinaldo (1869-1964)	23 de xaneiro de 1899	23 de marzo de 1901	Sen partido

Os americanos xa comezaran a controlar as zonas non controladas pola Primeira República despois da cesión española. O presidente dos Estados Unidos estivo representado primeiro por gobernadores militares e despois por gobernadores xerais civís ata 1935.

A Mancomunidade Filipina creouse o 15 de novembro de 1935 en Manila e rematou coa independencia de Filipinas o 4 de xullo de 1946. Tras a invasión xaponesa de Filipinas no transcurso da Segunda guerra mundial, o goberno da Mancomunidade exiliouse nos Estados Unidos e existiu de xeito paralelo ao goberno da Segunda República, controlado polos xaponeses.

Imaxe	Nome	Comezo do mandato	Fin de mandato	Partido
	Manuel Luis Quezón (1878–1944)	15 de novembro de 1935	1 de agosto de 1944	Partido Nacionalista
	Sergio Osmeña (1878–1961)	1 de agosto de 1944	28 de maio de 1946	Partido Nacionalista
	Manuel Acuña Roxas (1892–1948)	28 de maio de 1946	4 de xullo de 1946	Partido Liberal

A Segunda República proclamouse o 14 de outubro de 1943 en Manila e rematou cando o presidente José Paciano Laurel a disolveu o 17 de agosto de 1945, en Toquio. Era un goberno marioneta colocado polo imperio xaponés tras a súa invasión do país durante a Segunda guerra mundial. O goberno da Mancomunidade continuou existindo no exilio, polo que nese momento había dous presidentes simultáneos.

Imaxe	Nome	Comezo do mandato	Fin de mandato	Partido
	José Paciano Laurel (1878–1944)	14 de outubro de 1943	17 de agosto de 1945	KALIBAPI

A Terceira República comezou cando os americanos concederon a independencia a Filipinas o 4 de xullo de 1946 e rematou coa imposición da lei marcial polo presidente

Ferdinand Marcos o 21 de setembro de 1972.

Imaxe	Nome	Comezo do mandato	Fin de mandato	Partido
	Manuel Acuña Roxas (1892-1948)	4 de xullo de 1946	15 de abril de 1948	Partido Liberal
	Elpidio Quirino (1890-1956)	17 de abril de 1948	30 de decembro de 1953	Partido Liberal
	Ramón Magsaysay (1907-1957)	30 de decembro de 1953	17 de marzo de 1957	Partido Nacionalista
	Carlos Polístico García (1896-1971)	18 de marzo de 1957	30 de decembro de 1961	Partido Nacionalista
	Diosdado Macapagal (1910-1997)	30 de decembro de 19611	30 de decembro de 1965	Partido Liberal
	Ferdinand Marcos (1917-1989)	30 de decembro de 1965	23 de setembro de 1972	Partido Nacionalista

O presidente Ferdinand Marcos gobernou por decreto despois de declarar a lei marcial o 23 de setembro de 1972. Inaugurou a "Nova Sociedade" despois de que se ratificase unha nova constitución o 17 de xaneiro de 1973. Declarou a Cuarta República o 17 de xaneiro de 1981, tras levantar a lei marcial.

Imaxe	Nome	Comezo do mandato	Fin de mandato	Partido
	Ferdinand Marcos (1917-1989)	23 de setembro de 1972	25 de febreiro de 1986	Partido Nacionalista Kilusang Bagong Lipunan
	Corazón Aquino (1933-2009)	25 de febreiro de 1986	2 de febreiro de 1987	Organización Democrática Nacionalista Unida (UNIDO)

A presidenta Corazón Aquino inaugurou a Quinta República despois de que a actual constitución fose ratificada. O plebiscito tivo lugar o 2 de febreiro de 1987.

Imaxe	Nome	Comezo do mandato	Fin de mandato	Partido
	Corazón Aquino (1933-2009)	2 de febreiro de 1987	30 de xuño de 1992	Organización Democrática Nacionalista Unida (UNIDO)
	Fidel Valdez Ramos (n. 1928)	30 de xuño de 1992	30 de xuño de 1998	Lakas ng Tao–Christian Muslim Democrats (Lakas-NUCD)
	Joseph Ejército Estrada (n. 1937)	30 de xuño de 1998	20 de xaneiro de 2001	Laban ng Makabayang Masang Pilipino (LAMMP)
	Gloria Macapagal-Arroyo (1947-)	20 de xaneiro de 2001	30 de xuño de 2010	Lakas ng EDSA-National Union of Christian Democrats-United Muslim Democrats of the Philippines (Lakas-NUCD-UMDP) Lakas–Kampi–CMD
	Benigno Aquino III (1960-2021)	30 de xuño de 2010	30 de xuño de 2016	Partido Liberal
	Rodrigo Duterte (1945-)	30 de xuño de 2016	presente	Partido Democrático Filipino - Poder Popular (PDP-Laban)

• Presidente de Filipinas
• Xefes de Estado e goberno actuais