A lista dos reis sumerios é un documento excepcional deixado polos escribas sumerios, escrito en lingua sumeria, en escritura cuneiforme, que enumera os sucesivos reis hexemónicos.
Esta lista preséntase a historia do país como unha sucesión de dinastías que, instaladas en distintas cidades, espallan o seu dominio sobre as demais e por todo o país de Sumer.
Os primeiros reis son dubidosos e os seus períodos imposíbeis, pero despois vanse acercando máis á historia comprobada, aínda que se omiten dinastías, e outras danse como sucesivas cando foron contemporáneas. Os reis de Asiria e os de Babilonia tamén tiveron este de tipo de listas. O primeiro rei mencionado que hai identificado por inscricións é Megabaresi de Kish, contemporáneo de Gilgamesh. O primeiro gobernante da lista que é claramente histórico é Lugal-Zage-Si de Uruk do século –XXIII, que conquistou Lagash, que á súa vez foi conquistada por Sargón de Acad.
Os autores omitiron desta lista a dinastía de Lagash, que gobernara Sumer e podía situarse entre a Segunda Dinastía de Kish e a Segunda Dinastía de Uruk. Ur-Nanxe ocupou o trono de Lagash cara ao 2520 a. C. e, daquela, a cidade dominaba o territorio de Sumer. El sería o primeiro rei da dinastía Lagash, continuada por varios reis que ampliaron o seu dominio como Eannatum I (c. 2470 a.C. a 2430 a.C.) que foi o máis importante desta dinastía. Os seus sucesores foron perdendo territorios aos poucos, apareceron usurpadores e os elamitas invadiron o país de Lagash. As súas forzas desapareceron. Crese que estes reis non foron incluídos na lista debido ás constantes hostilidades entre Lagash e os reinos de e Kish, Ur e Uruk.
Protodinástico I, Reis de antes do diluvio, lendarios
"Despois disto a realeza foi a Eridug (Eridu). En Eridug, Alulim foi rei e gobernou 28800 anos."
