Atención: Este artigo ou apartado precisa dun traballo de revisión. incompleto, sen criterios definidos Por favor, vexa a lista de problemas indicados neste modelo e mellóreo de acordo coas indicacións. Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde novembro de 2018)

Esta é unha lista sobre os accidentes aéreos que aconteceron durante o 2018.

País	Núm. de mortos totais	Tot. de feridos totais	Tot. de desaparecidos
Alxeria	257	0	0
Indonesia	189	0	0
Irán	77	0	0
Rusia	71	0	0
Nepal	51	0	0
Suíza	20	0	0
Colombia	7	0	3
Francia	5	0	0
Estados Unidos	5	0	0
España	1	1	0
Exipto	1	15	0

5 de xaneiro

•  Exipto: Un accidente aéreo provocado pola caída dun globo aerostático ao oeste da cidade antiga de Luxor, deixa unha turista surafricana morta e outros 15 turistas feridos.^[1]

16 de xaneiro

•  Colombia: Un helicóptero que estaba facendo a ruta Caucasia cara Segovia caeu e deixou polo menos 7 persoas mortas e búscase a 3 persoas desaparecidas.^[2]

29 de xaneiro

•  España: Unha avioneta estrelouse no concello gaditano de Villamartín, preto do río Guadalete e da estrada de Higuerones, deixa 1 morto e un ferido grave.^[3]

2 de febreiro

•  Francia: Un accidente entre dous helicópteros da armada francesa ocorreu a 40 quilómetros ao norte de Saint-Tropez, deixando 5 mortos.^[4]

12 de febreiro

•  Rusia: Un avión modelo Antonov AN-148 da aeroliña Saratov estrelouse preto de Moscova, deixando un total de 71 persoas mortas. O avión despegara do aeroporto de Domodédovo.^[5]

18 de febreiro

•  Irán: Un avión modelo ATR 72 da compañía iraniana Aseman Airlines estrelase mentres estaba facendo a ruta Teherán a Yasuj, falecendo as 66 persoas que voaban no avión.^[6]

12 de marzo

•  Estados Unidos: Un helicóptero modelo Eurocopter AS350 dunha compañía que realiza voos turísticos estrelouse contra as augas do río que baña Manhattan, deixando 5 persoas falecidas e 1 supervivente, concretamente o piloto.^[7]
•  Irán: Un avión modelo Bombardier Challenger 604 da compañía Basaron Holding que facía a ruta dende os Emiratos Árabes Unidos a Istambul, estrelándose nunha zona montañosa do suroeste de Irán, falecendo as 11 persoas que estaban no avión.^[8]
•    Nepal: Un avión modelo DHC-8-400 da compañía US-Bangla Airlines estrelase no Aeroporto Katmandú-Tribhuvan deixando 51 persoas mortas e 20 superviventes.^[9]

11 de abril

•  Alxeria: Un avión modelo Ilyushin Il-76TD, operado pola Forza Aérea de Alxeria, estrelouse preto do Aeroporto de Boufarik, pouco despois de engalar do mesmo aeroporto. O accidente provocou que as 257 persoas que estaban no avión falecesen, converténdose no accidente aéreo con máis falecidos de Alxeria.^[10]

4 de agosto

•   Suíza: Un avión da empresa Junkers modelo Ju-52/3mg4e operado pola aeroliña Ju-Air estrelouse a 1'2 quilómetros de Piz Segnas, falecendo as 20 persoas que viaxaban no avión, mentres engalara da Base Aérea de Locarno e que tiña como destino a Base Aérea de Dübendorf.^[11]

9 de setembro

•  Sudán do Sur: Un avión Let L-410UVP con 22 persoas a bordo, operado por Baby Airlines estrelouse no lago Yirol, preto do seu destino, o aeroporto de Yirol. Engalou no Aeroporto de Juba. O saldo total de vítimas mortais ascende a 19.^[12]

29 de outubro

•  Indonesia: Un avión modelo Boeing 737 MAX 8 da aeroliña Lion Air, esnafrouse contra o mar, a 13 quilómetros ao Norte de Tanjung Bungin mentres realizaba o voo dende o Aeroporto Internacional de Soekarno-Hatta en Iacarta ao Aeroporto Pangkal Pinang. Transportaba un total de 189 persoas, que faleceron cando chocaron contra a auga.^[13]