Lagoa de Cospeito

Modelo:Xeografía físicaLagoa de Cospeito
Imaxe
Tipolago
Zona de especial conservación Editar o valor en Wikidata
Localización
División administrativaCospeito, España Editar o valor en Wikidata
Mapa
 43°14′33″N 7°33′12″O / 43.24242, -7.55343
Características
Superficie16,9 ha Editar o valor en Wikidata

A lagoa de Cospeito é unha zona húmida permanente situada no concello de Cospeito, e é unha das lagoas máis importantes de Galicia. Está situada a uns 25 km da capital provincial, Lugo.

Forma parte da zona especial de conservación (ZEC) Parga-Ladra-Támoga[1][2] e forma parte da Reserva da Biosfera "Terras do Miño"[1].

Características

Vista aérea da lagoa en 2015.

É un dos ecosistemas hídricos máis importantes do noroeste da península. As súas augas proveñen do río Guisande, afluente do Miño.

Tempo atrás existían 2 lagoas que ocupaban unha extensión de 73,75 hectáreas, pero a meirande parte deste territorio foi desecado na década dos 60 para darlle un uso soamente agrícola.

Flora e fauna

Nesta zona húmida existen aves coma avefrías, asubiadores, lavancos, cercetas, galiñas de río ou grúas, anfibios coma ras, tritóns, ou píntegas, peixes coma troitas, e mamíferos coma ourizos ou esquíos.

Respecto da flora constitúese principalmente de vexetación de ribeira coma carballos ou bidueiros, existindo tamén especies insólitas coma o cardiño da lagoa (Eryngium viviparum).

Notas

  1. ↑ 1,0 1,1 Consellaría de Medio Ambiente e Ordenación do Territorio, Xunta de Galicia (eds.). "ZEC ES1120003: Parga - Ladra - Támoga". Consultado o 9/9/2019. 
  2. ↑ Axencia Ambiental Europea - Unión Europea (eds.). "Parga - Ladra - Támoga". Consultado o 9/9/2019. 

Véxase tamén

Outros artigos