PROFILPELAJAR.COM

IB3 Televisió
	Logo de IB3 Televisió.
Inicio das emisións	5 de setembro de 2005
Propiedade de	Ens Públic de Radiotelevisió de les Illes Balears
Formato da imaxe	1080i HDTV
País	España
Área de emisión	Illas Baleares
Na rede
	Páxina web de IB3 Televisió

IB3 Televisió ou Televisió de les Illes Balears é o servizo público de televisión^[1] das Illas Baleares pertencente ao grupo Ens Públic de Radiotelevisió de les Illes Balears (EPRTVIB). Esta denominación tamén pode referirse á canle de televisión principal deste grupo de comunicación.

Historia e características

Aínda que o EPRTVIB se creou mediante a lei 7/85 do 22 de maio de 1985, non se constituíu como tal ata moito máis tarde, foi o 26 de marzo de 2004^[2], e a televisión autonómica das Illas Baleares non comezou a emitir, en fase de probas, deica a Diada das Illas Baleares, o 1 de marzo de 2005, e os seus informativos non arrincaron ata maio de 2005. Comezou as súas emisións regulares o 5 de setembro de 2005.

IB3 é membro da Federación de Organismos de Radio y Televisión Autonómicos (FORTA). Os seus estudos centrais encóntranse no Polígono de Son Bugadelles, en Calvià, un municipio da illa de Mallorca, preto da capital Palma. Tamén dispón de delegacións nas illas de Menorca, Eivisa e Formentera, así como en Madrid. Emite a súa programación propia e os programas infantís en catalán e os filmes, series e documentais de produción allea en castelán, non obstante entre outubro de 2007 e novembro de 2011 emitiu toda a súa programación en catalán, mercando a produción allea xa dobrada en Cataluña ou realizando a dobraxe nas illas.