O guacamaio azul e amarelo[2] (Ara ararauna), é unha gran ave de América do Sur de cor azul e amarela. Forma parte da familia de papagaios neotropicais coñecidos como guacamaios. Habita nas selvas (especialmente varzea, pero tamén noutras seccións de terra firme e bosque inundado) e zonas arboradas de América do Sur. É moi popular na avicultura por mor das súas cores, habilidade para falar e estreita relación cos humanos.
