Grizzly Man é un documental do director alemán Werner Herzog estreado no 2005. Relata a vida de Timothy Treadwell, un ecoloxista entusiasta dos osos que finalmente foi comesto por un deles mentres se encontraba coa súa compañeira Amie Huguenard, morta canda el, no 2003. O material principal da película son as gravacións que o propio Treadwell se realizou en compaña de osos no Parque e Reserva Nacional de Katmai, Alasca, onde filmou máis de 100 horas de película os seus tres últimos anos de vida. Intercaladas entre ditas gravacións van aparecendo entrevistas a coñecidos seus, así como os seus pais, que contan as súas lembranzas e botan opinións sobre a tarefa que Timothy fixo.
