Grindhouse é un filme de acción e terror que se estreou en dúas partes no 2007. Foi coescrito, producido e dirixido por Robert Rodriguez e Quentin Tarantino. A dobre estrea débese ós dous segmentos nos que se compón, o Planet Terror de Rodriguez e o Death Proof de Tarantino. Os segmentos están divididos por trailers ficticios de atraccións e por anuncios. O elenco conxunto do filme inclúe a Rose McGowan, Freddy Rodriguez, Michael Biehn, Jeff Fahey, Josh Brolin, Marley Shelton, Naveen Andrews, Fergie, Bruce Willis, Kurt Russell, Rosario Dawson, Tracie Thoms, Mary Elizabeth Winstead e Zoë Bell.
Planet Terror
Nun pobo rural de Texas, a bailarina de striptease Cherry Darling decide abandonar o seu traballo e atopar outro no que poida usar os seus numerosos "talentos inútiles". Encóntrase co seu misterioso ex-mozo El Wray no Bone Shack, o restaurante propiedade de J.T. Hague. Mentres tanto, un grupo de militares, liderados polo demente Tenente Muldoon, fan negocios cun científico chamado Abby para adquirir cantidades industriais do axente bioquímico mortal coñecido como DC2. Muldoon descobre que Abby tiña máis DC2 do que dicía e ameázao con quitarllo. Abby libera intencionalmente o gas polo aire. O gas chega ó pobo e volve ós habitantes en criaturas grotescas e devoradores de homes, chamadas "sickos" polos humanos superviventes. Os veciños afectados son tratados polo sinistro Doutor William Block e a súa maltratada muller e anestesista Dakota. Como os pacientes se volven axiña violentos, Cherry e El Wray lideran un equipo de guerreiros improvisados para atopar un lugar seguro.
- Elenco
Death Proof
Tres amigas – Arlene, Shanna e a disc jockey da radio "Jungle" Julia Lucai pasan a noite en Austin, Texas celebrando o aniversario de Julia, sen saber que son seguidas por un home misterioso nun Chevy Nova do 71. O home, Stuntman Mike, persegue as tres mozas co seu "death proof car" e acaba por matalas. Catorce meses despois, Stuntman Mike, agora en Tennessee e conducindo un Dodge Charger do 69, segue a outro grupo de mulleres – Lee, Abernathy, Kim e a stuntwoman Zoë cuxo Dodge Challenger do 70 proba ser un adversario digno
- Personaxes
Notas
Véxase tamén
Ligazóns externas
