O Gran Premio de Austria de 1978 foi unha carreira do Campionato do Mundo Fórmula 1 celebrada no Circuíto de Österreichring o 13 de agosto de 1978. Foi a 12ª carreira da tempada de Fórmula Un de 1978. Levouse a cabo sobre 54 voltas para cubrir unha distancia de carreira de 320 quilómetros.
Resumo da carreira
O circuíto do GP de Austria estaba cheo de seareiros de Niki Lauda; pero desgraciadamente para eles Lauda clasificou só 12º, e os coches de Lotus volveron tomar a primeira fila, con Ronnie Peterson na pole. A sorpresa na cualificación foi Jean-Pierre Jabouille, quen cualificou o seu Renault turbo terceiro. O comezo viu a Peterson liderando na primeira curva, con Carlos Reutemann arrebatando o segundo posto a Mario Andretti. Andretti intentou conseguir o lugar máis tarde durante a volta, pero os dous chocaron e Andretti retirouse despois de que o seu coche batera contra as barreiras, mentres que Reutemann perdeu un par de lugares que foron para Patrick Depailler e Jody Scheckter. Na cuarta volta, caeu unha forte chuvieira sobre á pista, Reutemann trompeou e quedou varado pero os comisarios empuxaron o seu coche, xa que estaba nun lugar perigoso, mentres Scheckter estrelouse, e a carreira detívose.
A carreira reiniciouse cando parou a choiva, e unha vez máis Peterson liderou seguido de Depailler e Lauda. A medida que a pista comezou a secarse, Peterson comezou a afastarse, a Reutemann sacáronlle bandeira negra por recibir axuda externa, Lauda estrelouse pouco despois, deixando a Gilles Villeneuve terceiro. Os pilotos cambiaron a pneumáticos lisos, pero o top 3 mantivéronse así ata o final, Peterson gañou por diante de Depailler, con Villeneuve logrando o seu primeiro podio.
Clasificación
Posicións logo da carreira
- Clasificación do campionato de pilotos
|
- Clasificación do campionato de construtores
|
- Nota:Só están incluídos os cinco primeiros postos en ambos os grupos de clasificación.
Notas
- Líderes por volta: Ronnie Peterson 44 voltas (1-18, 29-54); Carlos Reutemann 4 voltas (19-22); Gilles Villeneuve 6 voltas (23-28).
- Esta carreira foi a décima e última vitoria na F1 de Ronnie Peterson
- Gilles Villeneuve rematou no podio por primeira vez na F1
- Lotus gañou o campionato de construtores a falta de catro carreiras para o final.
- Dos 26 participantes, 8 pilotos foran, ou serían campións do mundo. Tamén, dos 26 participantes, 21 pilotos gañaran, ou gañarían un Grand Prix.
Ligazóns externas
.svg){kind=small}
