Un glicurónido, tamén chamado glicuronósido, é unha substancia producida polo enlace entre un ácido glicurónico e outra substancia por medio dun enlace glicosídico.[1] Os glicurónidos pertencen aos glicósidos.
A glicuronidación ou conversión de compostos químicos en glicurónidos, é un método que usan os animais para facilitar a excreción de substancias tóxicas, fármacos e outras sbstancias que non poden utilizarse como fontes de enerxía. O ácido glicurónico únese ao composto por medio dun enlace glicosídico e o glicurónido resultante, que ten unha solubilidade en auga moito maior que a substancia orixinal, é finalmente excretado nos riles.[2]
Os encimas que rompen o enlace glicosídico dos glicurónidos denomínanse glicuronidases.
