Ghost in the Shell (GHOST IN THE SHELL/攻殻機動隊, Gōsuto In Za Sheru/Kōkaku Kidōtai?) é un filme xaponés dirixido por Mamoru Oshii que se estreou en 1995. Baséase no manga homónimo de Masamune Shirow. A animación é obra de Production I.G, e o guión de Kazunori Itō. As voces de dobraxe orixinais son de Atsuko Tanaka, Akio Ōtsuka e Iemasa Kayumi. Unha versión actualizada chamada Ghost in the Shell 2.0 foi estreada no 2008, con novo son e gráficos 3D por ordenador nalgunhas escenas.
Ghost in the Shell conta a caza da axencia de seguridade Sección 9 dun hacker coñecido como Puppet Master. Coa asistencia do seu equipo, Motoko Kusanagi atopa ó sospeitoso e mergúllase nunha complexa intriga política que tenta encubrir a identidade e a finalidade do Puppet Master.
O filme foi estreado o 18 de novembro de 1995 e recibiu, en xeral, críticas positivas. A súa animación foi louvada, mais non así o argumento, que foi cualificado de predecible. O filme casou impresións moi positivas en directores como os Irmáns Wachowski e James Cameron. Unha secuela indirecta deste filme, Ghost in the Shell 2: Innocence, foi estreada no 2004.
Sinopse
Ano 2029. Nunha enorme cidade asiática, unha muller cyborg policía investiga as sinistras actividades dun misterioso hacker, un supercriminal que está invadindo as autoestradas da información.
Galardóns e nomeamentos
- 1996: Festival de Sitges: Sección oficial longametraxes a concurso.
Impacto cultural
Larry e Andy Wachowski, creadores de Matrix e as súas secuelas, amosáronlle o filme ó produtor Joel Silver, dicindo, "Nós queremos facelo en real."[3] A saga Matrix ten varios conceptos deste filme, como a chuvia dixital de datos, que está inspirada nos créditos de Ghost in the Shell, e o xeito mediante o cal a xente accede a Matrix a través de enchufes na caluga.[4] Outros paralelismo atópanse en Avatar de James Cameron, en A.I. Artificial Intelligence de Steven Spielberg e en Surrogates de Jonathan Mostow.
Notas
Véxase tamén
Ligazóns externas
