Filipe de Francia III de Valois, teoricamente I de Orleáns, nado o 1 de xullo de 1336 en Vincennes e finado o 1 de setembro de 1375 no mesmo lugar, foi duque de Orleáns e de Turena e conde de Valois.
Traxectoria
O seu pai deulle en herdanza Orleáns e Turena (1346) e elevounas á dignidade de ducado-paria. En 1344 herdou o condado de Valois do seu pai. Axudou ao seu irmán, o rei Xoán II de Francia, na guerra contra os ingleses. Foi feito prisioneiro na batalla de Poitiers (1356), e permaneceu como refén ata 1360. Á súa morte (1375), sen descendencia lexítima, os seus dominios volveron á coroa.
Familia
Fillo de Filipe VI de Francia, rei de Francia, e de Xoana de Borgoña e Francia, casou, o 8 de xaneiro de 1344, con Branca de Francia (1328 - 1393), filla póstuma de Carlos IV de Francia e Xoana de Évreux, e non tiveron fillos.
Deixou, con todo, dous fillos ilexítimos:
Dominios e posesións (lista non exhaustiva)
O seu irmán Xoán II o Bo vendeulle o Hôtel de Navarra, no núm. 47-49 da actual rúa Saint-André-des-Arts en París, que herdara de Xoana II de Navarra[3] o Ducado-paria de Orleáns.
Notas
- ↑ Citado por Patrick Van Kerrebrouck, en "Les Valois" - 1990
- ↑ Morreu en Terra Santa. As súas exequias foron celebradas en Notre-Dame de París, o 27 de xaneiro de 1396.
- ↑ Marquès de Rochegude, Promenade dans toutes les rues de Paris, par arrondissement, París, Librería Hachette e cía., 1910.
