A Eurocopa da UEFA de 1976 (en croata: Europsko prvenstvo u nogometu 1976., en esloveno: Evropsko prvenstvo v nogometu 1976, en macedonio: Европско првенство во фудбал 1976, en serbio: Европско првенство у фудбалу 1976) foi a quinta edición do campionato europeo de seleccións de fútbol absolutas organizado pola UEFA. A fase final do torneo foi celebrada en Iugoslavia entre os días 16 e 20 de xuño. O campionato foi gañado por Checoslovaquia, que bateu na final á selección de Alemaña Occidental na quenda de penaltis co famoso lanzamento de Antonín Panenka.
