Ellen Gabriel, nada en 1959,[1] tamén coñecida como Katsi'tsakwas, é unha activista e artista[2] mohawk de Kanehsatà:ke, do clan da tartaruga, coñecida pola súa implicación como voceira oficial[3] durante a crise de Oka.[4][5]
Traxectoria
Ellen Gabriel naceu en 1959 en Kanehsatà:ke, no Quebec.[6] Dende pequena foi unha apaixonada pola arte.[7] Gabriel creceu durante os anos 60 e 70, sendo testemuña de movementos contra a guerra e polos dereitos das mulleres, o que espertou o seu interese polo activismo.[7][8]
En maio de 1990, licenciouse en Belas Artes pola Universidade Concordia, especializándose en Studio Art.[7] En 2021, Gabriel completou un programa de documental dun ano no conservatorio na Escola de Cinema de Nova York.[9]
Activismo
En marzo de 1990, Gabriel uniuse ao movemento contra a expansión dun campo de golf en Oka, Quebec. Ese evento acabou por escalar na crise de Oka. Para dar a coñecer a crise, viaxou internacionalmente, incluíndo visitas á Haia, Estrasburgo e o Xapón.
O 19 de maio de 2009, Gabriel pronunciou un discurso na oitava sesión do Foro Permanente das Nacións Unidas sobre as cuestións indíxenas.[10]
Entre o 11 e o 15 de xullo de 2011, pronunciou un discurso na cuarta sesión do Mecanismo de Expertos en Dereitos dos Pobos Indíxenas..[11]
O 7 de maio de 2013, no que se refire ao proxecto de lei S-2, pronunciou un discurso ante o 41º Parlamento, 1ª Sesión, na Comisión Permanente da Condición Social da Muller.[12][13]
Gabriel ocupa tamén un cargo como membro do Comité Directivo de Acción Climática Indíxena.
Notas
