El Caracol

Tipo	xacemento arqueolóxico
Localización
División administrativa	Distrito de Cayo, Belize
16°45′50″N 89°07′03″O / 16.763927777778, -89.117591666667

El Caracol ou Caracol é o nome dado a un sitio arqueolóxico maia de grandes dimensións, localizado no distrito de Cayo, en Belize. Atópase a uns 40 km ó sur de Xunantunich e San Ignacio Cayo, a unha altitude de 460 m, preto dos montes Maia.^[1] O antigo nome maia deste lugar puido ser Oxhuitza.

El Caracol foi ocupada dende 1200 a. C., mais o seu período de maior expansión construtiva corresponde ó período clásico maia,^[2] con máis de 40 monumentos datados entre 485 e 889 que rexistran a secuencia dinástica dos seus gobernantes.

A antiga Caracol foi unha das maiores cidades maias, cubrindo uns 168 km²,^[3] cunha poboación máxima estimada entre os 120 000 e os 180 000 habitantes.^[4] Un dos monumentos rexistra unha vitoria militar sobre o exército de Tikal en 562.

O sitio foi descuberto en 1938. Traballos máis extensos foron levados a cabo pola Universidade da Pensilvania en 1951 e 1953. Dende 1985, decorre un proxecto de escavacións arqueolóxicas e restauración das estruturas antigas de El Caracol, baixo a dirección de arqueólogos da Universidade de Florida Central.

Wikimedia Commons ten máis contidos multimedia na categoría:  El Caracol

• Awe, Jaime; Cassandra Bill; Mark Campbell; David Cheetham (1990). "Early Middle Formative Occupation in the Central Maya Lowlands: Recent Evidence from Cahal Pech, Belize" (PDF). Papers from the Institute of Archaeology (Londres: University College London, Institute of Archaeology) 1: 1–5. ISSN 0965-9315. OCLC 231692266. Arquivado dende o orixinal (PDF) o 17 de xuño de 2009. Consultado o 21 de febreiro de 2019. 
• Beetz, Carl P.; Linton Satterthwaite (1981). The Monuments and Inscriptions of Caracol, Belize. University Museum monographs, no. 45. Philadelphia: University Museum, University of Pennsylvania. ISBN 0-934718-41-5. OCLC 60071978.