Daredevil (Matt Murdock) é un superheroe do Universo Marvel de Marvel Comics, creado polo escritor Stan Lee e polo debuxante Bill Everett, que fixo a súa primeira aparición en Daredevil #1 (abril de 1964).
Biografía ficticia
Matt Murdock é un rapaz que vive en Hell's Kitchen (Nova York), e que queda cego polo contacto cunha substancia radioactiva. Malia non poder ver, a exposición á radioactividade potencia o resto dos seus sentidos a nivel sobrehumano. O seu pai, un boxeador chamado Jack Murdock, é asasinado por gánsters ao rexeitar deixarse gañar nun combate. Matt busca vingarse dos asasinos do seu pai, para o que tranfórmase en Daredevil, e posteriormente loitará con moitos inimigos do crime organizado, incluíndo Bullseye e Kingpin.
