As Cícladas menores ou Pequena Cícladas (grego: Μικρές Κυκλάδες) é un conxunto de illas no mar Exeo, no interior do arquipélago das Cícladas . Atópase ao sur-este de Naxos e componse de 32 illas e rochas.[1] As illas principais son Ano Koufonisi, Kato Koufonisi, Irakleia, Schoinoussa, Donousa e Keros. a maior delas é Irakleia cunha superficie de 18 km² e a máis poboada é Ano Koufonisi cunha poboación de 399 habitantes, de acordo co censo de 2011. Só catro delas están habitadas, Ano Koufonisi, Irakleia, Donousa e Schoinoussa. O illote de Kato Antikeri ten tamén dous habitantes. Administrativamente, as illas pertencen ao concello de Naxos e Cícladas menores, separadamente dos illotes de Ano e Kato Antikeri que pertencen ao municipio Amorgos.
Historia
Durante a última glaciación a maior parte das illas do Cícladas uníronse nunha gran masa de terra. Despois de que o nivel do mar subiu no ca. 9.000 aC o Exeo inundou a masa para formar as moitas pequenas illas e adquirir a súa forma moderna.[2] As Cícladas menores están habitadas desde o Idade de Pedra. As illas prosperaron durante a primeira Idade de Bronce, cando apreceu a cultura das Cícladas. A illa de Keros foi un dos sitios máis importantes da cultura das Cícladas e deu o seu nome ao primeiro período da cultura das Cícladas, coñecido como cultura Keros-Syros.[3] As illas poboáronse a partir de entón. Nas illas, sobre todo Schoinoussa e Irakleia atópanse as ruínas da antigüidade clásica e o período romano. En tempos medievais e modernos as illas sufriron da piratería. Polo tanto, ás veces as illas foron despoboadas e foron colonizadas de novo polos pastores que partiron de Amorgos. Desde o século XI a maior parte das illas das Cícladas menores consideráronse como propiedade do Mosteiro Hozoviotissa en Amorgos.[4] O mosteiro, aínda hoxe ten grandes áreas de propiedade nas illas.[5] As illas a día de hoxe foron desenvolvidas como destino turístico. Son famosas pola súa vida serena e tranquila.
↑ 7,07,17,27,37,4Προσδιορισμός και χαρτογράφηση των ορνιθολογικά ευαίσθητων στα αιολικά πάρκα περιοχών της Ελλάδας, Ελληνική Ορνιθολογική Εταιρεία (Griechische Ornithologische Gesellschaft) PDF Online (1,883 MB), griechisch
