PROFILPELAJAR.COM

Cícladas
	Κυκλάδες (el)
Localización
	37°00′00″N 25°10′00″L / 37, 25.166666666667
Estado	Grecia
Administracións descentralizadas	administración descentralizada do Exeo
Periferias	Exeo Meridional
Xeografía
Superficie	2.572 km²
Bañado por	Mar Exeo
Altitude	1.008 m-233 m
Comparte fronteira con	Mar Exeo
Identificador descritivo
Código postal	840–849
Fuso horario	UTC+02:00, horario estándar; UTC+03:00, horario de verán
Prefixo telefónico	228x0
ISO 3166-2	GR-82

As Cícladas ou Cíclades, do grego Κυκλάδες, que significa "circular", é un arquipélago no sur do mar Exeo. O seu nome indica as illas que forman un círculo arredor da illa sagrada de Delos, (patria dos deuses Apolo e Ártemis), en contraposición ao resto das illas do Exeo ás que chamaron Espóradas (do grego: Σποράδες, dispersas).

Xeografía

É un conxunto de máis de 200 illas, das cales as maiores son Amorgos, Anafi, Andros, Antíparos, Delos, Ios, Kea, Kímolos, Kythnos, Milos, Mykonos, Naxos, Paros, Folégandros, Serifos, Sifnos, Síkinos, Siros, Tinos e Santorini. Estas illas fan parte da periferia da Grecia do Exeo Meridional, que ten a súa capital na illa de Siros.

Politicamente constitúen unha prefectura de Grecia. A poboación total da prefectura é de 112.615 habitantes (censo do 2001) e a sede da mesma atópase en Hermópolis (grego: Ερμούπολη)

A xeografía das illas é montañosa. O clima é seco, caloroso no verán e amornado no inverno. Unha das poucas illas fértiles é Naxos, famosa pola súa produción de patacas, aceite de oliva, froitas e outros produtos mediterráneos. Os fortes e frecuentes ventos mariños ás veces provocan problemas de comunicación aos barcos que enlazan a illa co resto de Grecia.

A arquitectura típica dos pobos, con casas e ruas encaladas de branco e portas e fiestras de vivas cores (especialmente o azul), son un dos maiores activos do turismo grego, e fan das Cíclades, en especial de Miconos e Santorini un dos destinos clásicos do turismo de toda Europa.

Historia

As illas son o berce da civilización cicládica, datada entre o final do neolítico e os primeiros tempos da idade de bronce (aproximadamente entre os anos 3300 ao 2000 a.C.). Algúns autores pensan que a civilización cicládica é continuación ou está relacionada dalgún modo coa civilización minoica, orixinaria da illa de Creta, ao sur da Cícladas. A cultura cicládica é coñecida polas súas figuras femininas, de formas esquemáticas e planas, esculpidas en mármore puro das illas.

Na época medieval as illas estiveron dominadas polos venecianos, polo que aínda queda unha pequena minoría católica, unha das poucas en Grecia, país de maioría ortodoxa.