Cuspedriños
Campo da feira
Parroquia	San Xurxo de Sacos
Concello	Cerdedo-Cotobade
Coordenadas	42°29′43″N 8°31′00″O / 42.495277777778, -8.5166666666667
Poboación	88 hab. (2015)
[ editar datos en Wikidata ]

Cuspedriños é un lugar da parroquia de San Xurxo de Sacos, no concello pontevedrés de Cerdedo-Cotobade. Segundo o IGE^[1] en 2015 tiña 88 habitantes (48 homes e 40 mulleres), 14 menos ca en 2006.

O topónimo Cuspedriños procede do latín Curros Petrineos (curros de pedra). O lugar mantén o curro, no que ten lugar a rapa das bestas.

Neste lugar está o campo da Feira onde se celebraba a Feira de Cuspedriños. Dita feira rememórase desde o ano 2007, celebrándose o último domingo de maio. Xunto a el está a capela da Virxe do Carme, e no seu adro está a carballeira de Cuspedriños e un peto de ánimas de 1806, feito por advocación de Ramón Savorido e da súa muller Vicenta Lois.

Neste lugar naceu o lingüista Servando Pérez Barreiro.