O ciclo do xofre é o ciclo bioxeoquímico consistente na recirculación do xofre na Terra entre os seres vivos e o medio abiótico. O xofre atópase almacenado maioritariamente na hidrosfera en forma de sulfato. O xofre, durante a evaporacion de mares e lagos pouco profundos, deposítase formando xesos. Os sulfatos son abundantes nos solos, xa que aínda que se perdan por lixiviado das terras, son repostos polas chuvias de forma natural.
Son imprescindibles para a síntese de certas moléculas orgánicas.
