Cayetano Sánchez Bustillo

Biografía
Nacemento	1839 Llanes, España
Morte	14 de setembro de 1908 (68/69 anos) Madrid, España
Alcalde
Senador de España
Actividade
Ocupación	político

Cayetano Sánchez Bustillo, nado en Llanes en 1839 e finado en Madrid o 14 de setembro de 1908, foi un avogado e político español.

Con quince anos comezou a traballar como oficial na Dirección Xeral do Ministerio de Facenda. Despois licenciouse en Dereito. Na Restauración foi elixido deputado polo distrito de Caldas de Reis nas eleccións de 1876 e polo da Cañiza nas eleccións de 1879. Foi Ministro de Ultramar entre o 19 de marzo de 1880 e o 8 de febreiro de 1881. Nas eleccións de 1884 foi elixido deputado polo distrito de Villanueva de los Infantes (Cidade Real). En 1886 foi elixido senador pola provincia de Oviedo, mantendo o posto até 1896 cando foi nomeado senador vitalicio.

Foi requirido por Antonio Maura para ser ministro de Facenda nun dos seus gabinetes, ocupando a carteira entre o 23 de febreiro e o 14 de setembro de 1908.

Foi presidente do Banco de España (1890-1891), primeiro presidente do Banco Español de Crédito, presidente do Banco Hipotecario de España, Alcalde de Madrid^[1] en 1890 e presidente da Compañía Arrendataria de Tabacos.

Predecesor: José Elduayen	Ministro de Ultramar  1880 - 1881	Sucesor: Fernando León Castillo
Predecesor: Andrés Mellado Fernández	Alcalde de Madrid  1890	Sucesor: Narciso García Loygorri Rizo
Predecesor: Guillermo de Osma Scull	Ministro de Facenda  1908	Sucesor: Augusto González Besada

Wikimedia Commons ten máis contidos multimedia na categoría:  Cayetano Sánchez Bustillo

Outros artigos

• Lista de gobernadores do Banco de España

• Ficha no Congreso dos DeputadosArquivado 03 de marzo de 2016 en Wayback Machine.
• Ficha no Senado