Calcio Padova

Padova
NomeCalcio Padova
Alcume(s)Biancoscudati, Euganei, Patavini
Fundación29 de xaneiro de 1910
EstadioEuganeo
Padua, Italia
Inauguración1994
Capacidade32.420
PresidenteItalia Alessandra Bianchi
AdestradorItalia Bruno Caneo
LigaSerie C
2021/222º
Na rede
http://www.padovacalcio.it/
Titular
Alternativo
Terceiro

O Calcio Padova, coñecido simplemente como Padova, é un club de fútbol italiano con sede en Padua, que milita na Serie C. Fundado en 1910 e refundado en 2014, xogou durante 16 tempadas na Serie A, a última delas na campaña 1995/96. As cores do equipo son o branco e o vermello.

Historia

O club viviu a súa época dourada a finais da década de 1950, cando, dirixido por Nereo Rocco, alcanzou o terceiro posto da Serie A na tempada 1957/58, liderado no ataque polo goleador sueco Kurt Hamrin.[1] Trala marcha deste, Sergio Brighenti e Aurelio Milani tomaron a súa remuda na dianteira, e o equipo mantívose na máxima categoría ata 1962. O club pasou o resto da década de 1960 na Serie B antes de sufrir un serio declive, do que non se repuxo ata os anos 80. Con todo, a pesar de ser un equipo de segunda, deu a sorpresa en 1967 acadando a final da Copa Italia, onde se enfrontou ao Milan. O triunfo foi para o equipo lombardo, cun solitario gol de Amarildo.[2]

Tras varios ascensos e descensos entre Serie B e a Serie C, o Padova regresou á Serie A en 1994 despois de 32 anos de ausencia.[3] O equipo conseguiu manter a categoría unha campaña, pero na seguinte volveu caer á Serie B, e nos seguintes anos sufriu dous novos descensos ata a Serie C2. Non foi ata 2009 cando volveu acadar a Serie B.

Na tempada 2013/14 da Serie B, o Padova descendeu despois de rematar 20º, e o 15 de xullo de 2014, o equipo non se inscribiu no campionato da Lega Pro 2014/15. En abril de 2015, a entidade foi liquidada.

Biancoscudati Padova

O club foi refundado no verán de 2014, co nome de Società Sportiva Dilettantistica a r.l. Biancoscudati Padova, trala non inclusión do Calcio Padova na Lega Pro nin na Serie D.[4] O 19 de abril de 2015, grazas a unha vitoria por 1-2 contra o Legnago, o equipo logrou o ascenso á Lega Pro.[5] O 5 de xuño de 2015 cambiou o seu nome a Biancoscudati Padova Spa e un mes despois recibiu un novo nome, Calcio Padova Spa, despois de que o antigo Calcio Padova cambiase o seu nome a Football Padova Spa – società in liquidazione.

En total, o Calcio Padova participou en 11 campionatos da Prima Divisione / Divisione Nazionale entre 1914 e 1929 (obtendo como mellor lugar o terceiro posto na campaña 1922/23) e 16 campionatos da Serie A entre 1929 e 1996 (cun 3º posto como mellor resultado na tempada 1957/58). Disputou ademais 34 campionatos da Serie B (proclamándose campión no de 1947/48).

Vincenzo Italiano, ex capitán do Padova.
O escudo utilizado na tempada 2014/15.

Palmarés

Notas

  1. ↑ Cervi, Gino (19 de novembro de 2019). "Quando Faina divenne Uccellino. Il calcio di Kurt Hamrin" (en italiano). Consultado o 7 de setembro de 2022. 
  2. ↑ "Padova finalista di Coppa: una rarità storica" (en italiano). 19 de xaneiro de 2022. Consultado o 7 de setembro de 2022. 
  3. ↑ "Amarcord: un Padova da serie A" (en italiano). 22 de agosto de 2022. Consultado o 7 de setembro de 2022. 
  4. ↑ "Avv. Chiacchio: “Non solo l’ACP1910 ha fatto richiesta di ammissione alla D, ma è arrivata anche la risposta. Padova caso clamoroso, poteva essere in B”" (en italiano). 6 de agosto de 2014. Consultado o 7 de setembro de 2022. 
  5. ↑ "Il Padova torna nel calcio che conta: battuto il Legnago, è Lega Pro!" (en italiano). 19 de abril de 2015. Consultado o 7 de setembro de 2022. 

Véxase tamén

Ligazóns externas

Information related to Calcio Padova