Non é un pobo moi grande, xa que a urbanización está moi controlada e restrinxida ao tratarse dun Parque Nacional. Porén, conta cun número bastante alto de prazas hoteleiras.
Xeografía
A vila está situada moi cerca do monte Buffalo, que recibe o seu nome debido á súa forma, que recorda á silueta de perfil dun bisonte. Na actualidade esta elevación é chamada monte Túnel (Tunnel Mountain) porque se intentou escavar un túnel por debaixo, pero finalmente non resultou posíbel.
Situada a unha altitude de 1 400 msnm, o pobo ocupa unha superficie de 4,77 km2 e, no ano 2016, contaba con 7 847 habitantes,[1] polo que a súa densidade de poboación nese ano era de 1 646 hab./km2.
Encóntrase nas Montañas Rochosas de Alberta, e comunicada pola estrada transcanadense, distando 126 km de Calgary, ao oeste, e 58 km do lago Louise, ao leste.
temperaturas en °C • totais de precipitación en mm fuente: [2]data=12 de setembro de 2017
Banff ten un clima subártico (clasificación climática de Köppen Dfc) que limita cun clima continental húmido (Köppen Dfb). As temperaturas de inverno varían desde un mínimo promedio de -13,3 °C até un máximo promedio de -0,2 °C. As temperaturas de verán no mes máis cálido son agradábeis, cun máximo promedio de 21,6 ° C e un mínimo promedio de 7,3 ° C. A neve rexístrase en todos os meses do ano. As nevadas anuais promedian 191 cm.[3]
