Axóuxere
País	Galicia
Lingua	Galego
Fundación	1974
Desenvolvemento
Editor	La Región

Axóuxere foi unha publicación semanal galega de dúas follas, editada por La Región os sábados como suplemento infantil do xornal ourensán,^[1] durou do 3 de agosto de 1974 ao 11 de xaneiro de 1975.

O suplemento botou a andar no verán de 1974.^[2] O seu director foi o escritor, e naquel momento tamén mestre de ensino primario, Paco Martín.^[1]

Foi, xunto coa publicación Vagalume (1975) a primeira publicación infantil en galego do franquismo, co incipiente aperturismo do tardofranquismo respecto á lingua galega,^[1] prohibida en moitos eidos durante o réxime.

• "Axóuxere". Enciclopedia Galega Universal. Ir Indo. 1999-2002. ISBN 84-7680-288-9. 
• "Axouxere". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. p. 64. ISBN 84-8288-137-X. 

• Banda deseñada