Arenas de Getxo
Nome	Arenas Club de Getxo
Alcume(s)	O histórico
Fundación	1909
Estadio	Gobela, Getxo, Biscaia
Inauguración	1948
Capacidade	1.200
Presidente	Francisco Javier Herrero
Adestrador	Natxo Ortiz de Guinea
Liga	2ªB – Grupo 2
2015–16	8.º
Na rede
http://www.arenasclub.com
Titular Alternativo

O Arenas Club de Getxo (en éuscaro: Getxoko Arenas) é un club de fútbol vasco, da cidade de Getxo en Biscaia. Foi fundado en 1909 e xoga no Grupo 2 da Segunda División B.

Foi un dos equipos máis importantes do fútbol español durante o primeiro terzo do século XX cando gañou 1 Copa do Rei en 1919 e 3 subcampionatos en 1917, 1925 e 1927. Ademais, xogou 7 tempadas consecutivas en Primeira División.

As primeiras manifestacións de fútbol na cidade datan do 1901, pero non foi ata o 1909 cando se fundou o Arenas Football Club. O ano 1912 pasou a denominarse Arenas Club e o 1917 adoptou a denominación definitiva de Arenas Club de Getxo.

O club destacou principalmente ao primeiro terzo de século XX. Estableceu unha forte rivalidade coa Athletic Club de Bilbao. Non foi ata o 1917 que conseguiu vencer no Campionato Norte vencendo o resto de equipos vascos. Este mesmo ano foi finalista da Copa de España pero foi derrotado polo Madrid na final disputada en Barcelona. Dous anos máis tarde gañou o campionato de Biscaia e proclamouse campión de Copa ao vencer ó Barça na final o 18 de maio de 1919 ao estadio Martínez Campos de Madrid cun marcador final de 5-2. A aliñación do equipo foi Jáuregui; Vallana, Careaga; Uriarte, Arruza, José María Peña; Ibaibarriaga, Pagaza, Sesúmaga, Barturen e Florencio Peña. O club aínda foi dous veces máis finalista de Copa os anos 1925 e 1927.

O ano 1928 o Arenas foi un dos 10 equipos seleccionados para disputar a primeira liga española, na que rematou quinto. A seguinte tempada, a 1929-30, rematou terceiro, a súa mellor clasificación. Aqueles anos o fútbol empezou a profesionalizarse e o Arenas empezou a perder importancia. Rematou 10º e último a tempada 1933-34, pero a ampliación da categoría a 12 equipos salvárono do descenso. A seguinte campaña rematou 12º e perdeu a categoría, que nunca máis volveu recuperar. En total xogou 7 tempadas na Primeira División. O seu último grande éxito foi a vitoria na Copa Vasca da tempada 1935-36.

O ano 1944 baixou a Terceira División. Só volveu subir a Segunda B na tempada 1979-80.

• Tempadas en 1ª: 7
• Tempadas en 2ª: 6
• Tempadas en 2ªB: 1
• Tempadas en 3ª: 59 (Incluída a 2012/13)
• Mellor posto na liga: 3º (Primeira División, tempada 1929–30).
• Peor posto na liga: 12º (Primeira División, tempada 1934–35).

• Guillermo Gorostiza
• Javier Iturriaga
• Raimundo Lezama
• Joseba del Olmo
• Félix Sesúmaga
• José María Zárraga

• Javier Clemente

• Copa do Rei (1): 1919.
• Subcampión da Copa do Rei (3): 1917, 1925, 1927.

• Campionato do Norte (3): 1917, 1919, 1922.
• Campionato de Biscaia (2): 1925, 1927.
• Copa Vasca (1): 1936.

• Sitio web oficial (en castelán)
• Páxina do Arenas en futbolme.com (en castelán)