André Horst Schürrle, nado en Ludwigshafen, Renania-Palatinado, o 6 de novembro de 1990, é un futbolista internacional alemán que xoga como dianteiro para o FC Spartak de Moscova.
Trayectoria
Schürrle uniuse ao 1. FSV Mainz 05 en 2006, xogando nas categorías inferiores até principios de 2009. En xullo de 2009 convértese en futbolista profesional, facendo o seu debut na Bundesliga pouco despois: debutaría na máxima categoría do fútbol alemán no empate 2-2 ante o Bayer Leverkusen. Pouco despois, o 19 de setembro de 2009, anota os seus dous primeiros goles na vitoria por 3-2 ante o VfL Bochum, finalizando a tempada con cinco goles. Pouco despois de comezar a tempada 2010-11, nun partido contra Bayer 04 Leverkusen, o propio club anuncia a súa fichaxe pouco tempo despois para a tempada 2011-12.
O 13 de xuño do 2013 anúnciase a súa fichaxe polo Chelsea FC por medio da páxina oficial do club londiniense, nun traspaso que roldou os 25 millóns de euros.. O 25 de xuño do 2013, foi presentado oficialmente polo club, o cal lle daría un contrato por 4 anos, dándolle o dorsal 14,[1]. O xogador declarou: "Estou tan feliz agora que asinei e é unha honra para min xogar para este club, con este equipo e estes grandes fans. Estou moi entusiasmado con iso". Foi a primeira fichaxe da segunda era José Mourinho como adestrador principal do club londiniense. Debutou o 17 de xullo do 2013, na vitoria do seu equipo nun partido amigábel ante as estrelas de Tailandia. O xogador alemán marcou o seu primeiro tanto o 4 de agosto do 2013, na vitoria do Chelsea FC ante o AC Milan por 2-0. Debutou na Premier League, o 18 de agosto do 2013, no primeiro partido de Liga para o Chelsea FC.
Notas
Véxase tamén
Ligazóns externas
