Alfredo Caamaño Pato

Biografía
Nacemento	1897 Negreira, España
Morte	1970 (72/73 anos) Venezuela
Outros nomes	Alfredito
Actividade
Ocupación	avogado, político
Familia
Cónxuxe	Elena Suárez Suárez
Irmáns	Manuel Caamaño Pato

José Alfredo Manuel Caamaño Pato, coñecido como Alfredito, nado en Negreira en 1897 e finado en Venezuela en 1970, foi un avogado e político galego.

Fillo de Alfredo Caamaño Ferreiro e sobriño de Manuel Caamaño Ferreiro. Foi presidente de Izquierda Republicana de Negreira. Co golpe de Estado do 18 de xullo de 1936 presidiu o Comité de Defensa da República de Negreira. Agochouse no Pazo de Cotón; co seu irmán Manuel pasou a Portugal, e por Francia chegou á zona republicana. Xulgado en Compostela por rebelión, foi declarado en rebeldía. Os franquistas detiveron e condenaron á súa muller Elena Suárez Suárez. Foi xuíz de Belchite e ao caer Belchite estivo en Barcelona como xefe de armamento. Ao rematar a guerra marchou á República Dominicana en decembro de 1939.^[1] Despois exiliouse en México e finalmente en Venezuela.

• Liñares Giraut, X. Amancio (1993). Do Castro, ed. Negreira na guerra do 36. Sada. ISBN 84-7492-656-4. 

• Alfredito
• Ficha no Repertorio biobibliográfico do exilio galego