Aitor Aranzabe Etxabe, nado en Zaldibia o 28 de xuño de 1998, é un futbolista vasco, que xoga como extremo esquerdo no Real Unión, da Primeira División RFEF.
Traxectoria
Formouse como futbolista na canteira da Real Sociedad, na que ingresou aos 15 anos.[1] Xogou co equipo xuvenil na División de Honra e na tempada 2017/18 debutou coa Real Sociedad C na Terceira División, equipo ao que pasou totalmente na seguinte tempada e ao que capitaneou.[2] Para a tempada 2019/20 saíu cedido ao Real Unión, da Segunda División B,[2] co que disputou 23 partidos, anotando un gol ante o Salamanca. De regreso en Vitoria, militou na Real Sociedad B, proclamándose campión do Grupo II da Segunda B e logrando o ascenso á Segunda División.
Xa desvencellado da Real, en 2021 fichou polo Tudelano, co que debutou na Primeira División RFEF, competición que celebraba a súa primeira edición, pero non puido manter a categoría. A continuación pasou ao Sestao River, da Segunda División RFEF, co que conseguiu o ascenso á Primeira RFEF como campión de grupo. Contribuíu cun total de 32 partidos e 2 goles, e o seu contrato foi renovado por dúas tempadas máis.[3]
Continuou como titular indiscutible na categoría de bronce, disputando un total de 39 encontros encontros na tempada, 36 deles saíndo dende o inicio, e anotou 6 goles. En xuño de 2024 anunciouse o seu regreso ao Real Unión, da mesma categoría.[4]
Notas
Véxase tamén
Ligazóns externas
_con_palla_e_corona.png){kind=small}
