Abraham Pérez

Biografía
Nacemento	1990 (34/35 anos) Lugo, España
Educación	Universidade de Santiago de Compostela
Actividade
Ocupación	escritor

Abraham Pérez, nado en Lugo en 1990, é un escritor galego.

Graduado en Filosofía pola Universidade de Santiago de Compostela, e máster de Filosofía: Coñecemento e cidadanía, pola mesma Universidade. Cursou estudos de guionista en Madrid.^[1] Colaborou nas publicacións Revista Détour, Drugstore Magazine e Cuatro Ojos Magacín e no programa O Sombreiro de Merlín de Radio Obradoiro. Varios dos seus poemas apareceron en Grial, Luzes, Dorna, Xistral ou Tr3sreinos, algúns dos cales foron traducidos ao portugués e o castelán.^[2]

En decembro de 2020 obtivo o segundo premio no III Certame de poesía Torre de Caldaloba coa obra unha teoría para os espectros.^[3] E en 2021 a súa obra toxicidade foi 2º premio na categoría F do Certame de Poesía Francisco Añón.^[4] Ademais, no ano 2022 foi un dos artistas seleccionados para desfrutar dunha das bolsas de investigación na escrita da Residencia Artística Mariñán que se levan a cabo no Pazo de Mariñán, asemade foi finalista no XXXIV premio Torrente Ballester en lingua galega. No 2023 foi seleccionado para a Residencia Literaria da Illa de San Simón. Forma parte do grupo poético Lupercais.

Ten participado en numerosos recitais, así como realizado intervencións nas que mestura literatura, pensamento filosófico e arte conceptual para museos e galerías de arte. É membro da AELG.

Diario

• Gaivotas manchadas de petróleo (2024). A Coruña: Menino Morreu.

• Sacho de seda (2023). A Coruña: Menino Morreu. ISBN 9788419344076.

• O paso en falso (2023). Vigo: Galaxia, col. Literaria. 178 páxs. ISBN 978-84-1176-153-6.^[5]

• Fragmento / Creba (2020). Vigo: Galaxia. 170 páxs. ISBN 978-84-9151-465-7.
• Unha teoría para os espectros (2021). Noia: Editorial Toxosoutos.

• O corpo transparente das horas (2022). Vigo: Galaxia, col. Dombate. 138 páxs. ISBN 978-84-9151-807-5.

• XXV Certame Francisco Añón de Poesía (2022). Concello de Outes.
• Lupercais (Unha antoloxía posible) (2023). Chan da Pólvora Editora.
• Rosalia no barrio (2024). Solaina.
• Esa tépeda luz das Mariñas (2024). Deputación da Coruña.

• Labirintos e fronteiras, de Paulo Chagas (2022). Amargord. Edición bilingüe portugués-castelán xunto con Luís Valle e Miguel Ángel Curiel.

• Esferas (2017). Ediciones Oblicuas. ISBN 978-84-16967-19-3. (relatos).^[6]
• Materiales básicos de la carencia (2018). Ediciones en Huida. ISBN 978-84-17502-05-8. (poesía).^[7]

• 2º Premio no III Certame de poesía Torre de Caldaloba pola obra unha teoría para os espectros (2020).
• Accésit no XXV Certame de poesía Francisco Añón pola obra toxicidade (2021).
• Finalista do Premio Literario Illa Nova de Narrativa por O paso en falso (2022).
• Finalista no XXXIV premio Torrente Ballester en lingua galega por O paso en falso (2022).

• Blog do autor
• Entrevista